ميدو: سجدة في الحرم غيّرت حياتي

تحدث أحمد حسام ميدو نجم الزمالك ومنتخب مصر السابق عن التغيرات التي حدثت في حياته مؤخراً، خاصة بعد سجدة في الحرم قام بالدعاء خلالها بأمر غيّر حياته.

أضاف ميدو خلال حواره مع الكابتن مجدي عبد الغني في "ملعب الشمس"، أن حياته اختفلت تماماً منذ عدة أشهر، قائلاً: "سجدت في الحرم من فترة وقلت يارب أنا مش طالب منك حاجة غير إنك تقربني ليك، وقد كان".

وتابع: "أنا طول عمري بصلي، لكن أوقات كان الشيطان ياخدني للدنيا.. بس بقالي 8 شهور تقريباً بستمتع بالصلاة.. بقت هي متعتي واللي بتخليني أهدى.. ده مش معناه إني زاهد الدنيا، أنا بخرج وعايش حياتي عادي.. مفيش تعارض بين الدين والدنيا.

وواصل ميدو: "شخصيتى اختلفت جداً.. وشايف شباب حالياً بيخوفوا الناس من الدين، ومش عارف ليه ما يقربوش الناس من ربنا ويعلموهم أنه ربنا غفور رحيم.. وأنا دلوقتي في سن الأربعين عقليتى اختلفت جداً".

وأكمل ميدو: "رسالتي للشباب في كرة القدم لازم تأمنوا بإمكانيتكم وتفضلوا جعانين كورة عشان تستمتعوا وتقدموا أفضل ما عندكم.. وأنا مؤمن إنه ربنا بيفتح مخنا مرحلة بعد مرحلة وساعات أفكر لو أنا عندي 18 سنة وكنت ملتزم الوضع كان هيختلف".

وتابع: "أنا دلوقتى بنام بدري وبمارس الرياضة، بعد الأربعين تحولت لإنسان مختلف ودا عبرة وعظة وإلا ربنا سبحانه وتعالى مكانش نزل الرسالة على سيدنا محمد صلى الله عليه وسلم في سن الأربعين".

ميدو: سجدة في الحرم غيّرت حياتي