ويزو: بعض الناس بتطلق عشان يطلعوا ترند
تحدثت الفنانة ويزو عن تأثير مواقع التواصل الاجتماعي، على الحياة، واستغلالها من قبل البعض في الترويج لأشياء مخلة، واستخدام هذه الأشياء الدراما.
قالت "ويزو" خلال لقائها في بودكاست "على ميه بيضا": "السوشيال ميديا زي ما بتنشر حاجات إيجابية بتنشر حاجات سلبية.. الفكرة في اللي بيستغلها ويطلع الحاجات السلبية دي ترند.. حد عمل حاجة مخلة أنا هستفاد إيه لما أشيرها؟ وغيري شيرها بقت ترند وهو ده اللي هي عايزاه".
أضافت: "دلوقتي بيتطلقوا عشان يطلعوا ترند وهما ممكن يكونوا بيمثلوا، وده بيأثر على حياتهم الشخصية.. دلوقتي اللي بيطلع ترند اللي بيشتم وقلة الأدب، واللي يضايق أنهم بياخدوا ده في التمثيل، ده مش صح".
وعن استخدام نجلها مواقع التواصل الاجتماعي قالت: "ابني إسماعيل معندوش موبايل ولا هيبقى عنده، أنا كان عندي آيباد واديتهوله علشان يحل الواجب بتاع المدرسة وليه وقت معين.. لأن الدكتور بتاعه قالي خلي بالك الشاشات بتأثر على الفكر وبتعمل نوع من أنواع التوحد، وفعلا هو كان فيه عصبية زايد ونمردة مش عاجباني".