انتقادات عمرو أديب لـ شركات الاتصالات بسبب "تليفونات" الترويج
انفعل الإعلامي عمرو أديب، على الهواء، أثناء تقديمه حلقة مساء أمس الجمعة، من برنامج "الحكاية" المذاع على قناة mbc1، بسبب زيادة عدد الاتصالات اليومية التي يتلقاها من مسؤولي التسويق في الشركات المختلفة.
هاجم "أديب" شركات الاتصالات، على إتاحة أرقام هواتف عملائها، مما يتسبب لهم من إزعاج قائلًا: "هيجيلك وقت تلاقي تليفون "ألو.. هل تريد بعض المتعة" هتوصل لكده بجد، ده اللي ناقص".
ووجه رسالة إلى الشركات قائلًا: "أنا بدفع فلوس عشان آخد خدمة بلا إزعاج، لا بكلمك على النت اللي بيفصل ولا الباقة اللي بتخلص، يبقى كفاية بقى".
وقال إنه بشكل شخصي، لا يرد إلا على أرقام محددة، وبشكل عام لا يرد على مثل تلك الاتصالات، لكنه يتلقى عشرات الاتصالات من نفس الرقم، مما يجبره على عمل "بلوك" لها.
وأكد أنه لا أحد يشتري منتج ما خاصة العقارات عبر الهاتف، قائلا: "محدش بيشتري حاجة على التليفون، ابعت واتساب أو ميل، لكن الاتصالات كتير لأ".