عمرو يوسف عن سبب نجاحه: ببص في ورقتي
احتفى الفنان عمرو يوسف بالنجاح الكبير الذي حققه الجزء الثالث من سلسلة "ولاد رزق"، وكشف أن السبب في نجاح "القاضية" هو أن كافة نجوم العمل "باصين في ورقتهم" على حد تعبيره.
أضاف "يوسف" خلال حديثه مع برنامج "عرب وود": "كل واحد فينا بيعمل اللي عليه ومركز في ورقته، وده اللي مخلي السلسلة دي ناجحة ومخلينا مكملين".
أردف: "أنا طبيعتي في شغلي مركز في ورقتي، يعني بركز في الشخصية اللي بعملها، بحاول أأديها بأحسن طريقة، التفاصيل اللي ممكن تلهي الواحد عن شغله دي تفاصيل مضرة ببعد عنها".
من جانبه كشف الفنان أحمد عز، أن الفريق الذي نفذ مشاهد أكشن "ولاد رزق: القاضية" هو نفس فريق فيلم "mission impossible" الشهير، لافتًا إلى أن الفيلم له "الحالة بتاعته" على حد تعبيره، ويمتلك عناصر الإبهار التي يحتاجها أي عمل للنجاح.
وعن استكمال السلسلة بأجزاء جديدة، قال المخرج طارق العريان: "الأجزاء دايما بتكبر النجاح والمغامرة عندك أقل، إلا لو الفيلم منجحش فمتكملش،، لكن غير كده انت بتركب على نجاحك".
كما كشف المنتج موسى عيسى عن نيتهم في تصوير جزء جديد قائلًا: "احنا جاهزين إن شاء الله بعد نجاح التالت نفكر في الرابع".
وكذلك المؤلف صلاح الجهيني، حيث قال: "عندنا طموح في الجزء الرابع يبقى معانا الأستاذ كريم عبدالعزيز".
نرشح لك: أحمد عز: الألفاظ الخارجة في "ولاد رزق 3" زي اللي بنسمعها في الشارع