في أول ظهور له.. أحمد رفعت يكشف سبب أزمته الصحية

تحدث أحمد رفت لاعب نادي فيوتشر عن سبب أزمته الصحية، التي تعرض لها منذ فترة، موضحا أن لم يكن يتناول أي مكملات غذائية.

قال "رفعت" خلال لقائه مع الإعلامي إبراهيم فايق، ببرنامج "الكورة مع فايق" المذاع عبر شاشة "mbc مصر 2": "أنا مباخدش أي منشطات أو مكملات غذائية وتفسيري الوحيد أني كنت مضغوط بسبب إني غبت عن الكورة فترة طويلة لأسباب مقدرش أقولها".

نرشح لك: هل يهبط الزمالك للدرجة الرابعة في حال عدم استكماله الدوري؟

أما عن لحظة سقوطه في الملعب قال "رفعت": "أنا مش فاكر اللي حصل في الملعب ولا الماتش ولا التاريخ، حتى دلوقتي مش فاكر كنا بنلعب مع مين وبقى صعب إني افتكر لأني قعدت شوية على جهاز تنفس صناعي ومكنش حد عارف أنا هكمل ولا لا، حاولت أشوف الفيديو أكتر من مرة لكن معرفش إيه اللي حصل".

آخر تطورات حالة أحمد رفعت الصحية

كما كشف "رفعت" عن تطورات حالته الصحية، قائلا: "بتعب على فترات، لأن الموضوع ليه علاقة بالقلب، عملت عمليتين، قسطرة، وركبت دعامة في القلب في العملية الأخيرة وبدأت استشفى شوية".

وعن تعاطف الناس معه، قال: أنا عرفت بعد ما فوقت إن الناس كانت قلقانة عليا الحمد لله وأنا مدين للناس كلها".