تامر عاشور يكشف تفاصيل ألبومه الجديد
كشف الفنان تامر عاشور، تفاصيل ألبومه الغنائي الجديد، والمنتظر طرحه خلال الفترة المقبلة.
قال "عاشور" في تصريحات تلفزيونية له عبر شاشة الفجيرة، إنه سيتم طرح الألبوم كاملا في نهاية فصل الصيف الحالي.
وتحدث عن تفاصيل الألبوم قائلا: "الألبوم فيه 10 أغاني.. وأشكال المزيكا مختلفة فيه تماما عن اللي كان بيتقدم قبل كده وفي نفس الوقت مش غريبة على ودن الناس.. الكلام جديد جدا".
يتضمن 10 أغاني.. تفاصيل الألبوم المنتظر لـ تامر عاشور
في سياق آخر، كان الفنان تامر عاشور، قد قدم مؤخرا، شهادته فيما يخص أهل شيرين، بعد اتهامات حسام حبيب لهم بأنهم ظلمة وسرقوا أموالها وباعوا حساباتها على السوشيال ميديا، مؤكدا أن تلك الاتهامات ليس لها أساس من الصحة.
كتب "عاشور" عبر حسابه على موقع التدوينات القصيرة "إكس": "كل اللي أقدر أقوله في موضوع شيرين عبد الوهاب أن مفيش كلمة واحدة بس من اللي اتقالت وانتشرت صح.. أنا قريب من أهل شيرين ووالدتها وأخوها".
تابع: "أنا برضه أقولها إني بحبها وكل الدنيا بتحبها وتحب فنها.. أهل شيرين مظهروش في حياتها آخر سنتين تلاتة.. أهل شيرين هم أهل شيرين من زمان، كل نجاحات شيرين كانت وسط أهلها وناسها اللي يشيلوها من على الأرض شيل".
أضاف: "يا رب يبعد عنها كل خبيث وأناني وفاشل وممثل.. هي أطيب منهم كلهم وهم اللي وقعوها فكل مشاكلها (أنت بمن حولك) لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة".