بأدلة وصور.. شقيق شيرين عبد الوهاب ينفي بيع حساباتها الرقمية

رد محمد عبد الوهاب، شقيق الفنانة شيرين عبد الوهاب، على اتهامها له بشأن استغلاله لها وبيع السوشيال ميديا الخاصة بها لأحد الشركات دون علمها وتسببه في أزماتها الأخيرة.

نشر محمد عبد الوهاب عبر حسابه الشخصي على موقع التواصل الاجتماعي فيس بوك، وكتب: "أدي الشركة اللي هي بتقول عليها متعرفش حاجة عنها ولا أنها اشتغلت معاهم ولا أنها تعرف إني مضيت معاهم".

نرشح لك: حسام حبيب عن شيرين عبد الوهاب: متعاطف معاها

تابع: "الصورة علي حسابها على إنستجرام وهي بتشكرهم على شغلهم معاها من ٢٠١٨.. التحقيقات إن شاء الله هتثبت بالأدلة و بإظهار العقد صحة موقفي، ومحمد الشاعر ده أشهد قدام ربنا أنه من انضف الناس اللي هي اشتغلت معاهم وشهدتي فيه مجروحة وهو معروف مين وابن مين من أكبر عائلات مصر وناس سمعتهم سبقاهم".

يذكر أن الفنانة شيرين عبد الوهاب كانت قد ردت على الاتهامات المتبادلة بين طليقها الفنان حسام حبيب وشقيقها محمد عبد الوهاب بشأن استغلال أسرتها لها، وتسببها في أزماتها الأخيرة.

وقالت شيرين في تسجيل صوتي عبر برنامج "الحكاية" على قناة mbc مصر: "فوجئت باللي حصل بين أخويا محمد وحسام حبيب.. لكن كلام حسام مظبوط، وأخويا فعلا باعني واستغل توكيل عام مني ليه قدم وباع السوشيال ميديا بتاعتي لمحامي".

وأضافت: "متصدقوش أي حاجة يقولها محمد عبد الوهاب.. أنا عندي محامي بيرد نيابة عني وبيقول الحقيقة".

وأوضحت شيرين أنها تحاةل تجنب الحديث عن أزماتها في الإعلام قائلة: "أنا ساكتة بقالي كتير مبتكلمش في حياتي الشخصية عشان الناس متقعدش تقول مش ورانا حاجة غير شيرين".

وواصلت: "أنا أسفة إن بشغلكم بأخباري، بس أنا كنت مضطرة أرد النهاردة على خناقة حسام حبيب وأخويا، وأنتم فعلا أهلي وسندي وبتردوا غيبتي وبتقفوا لي.. فشكرا ليكم".