صاحبة فيديو رقص التخرج: "معملتش حاجة غلط"

علقت سمر عنتر طالبة خريجة كلية التربية الرياضية بجامعة أسيوط، والتي تصدرت التريند على مواقع التواصل الاجتماعي خلال الساعات الأخيرة، بسبب فيديو لها أثناء رقصها في حفلة التخرج، على الانتقادات التي وجهت إليها.

قالت سمر عنتر خلال مداخلة هاتفية مع الإعلامية عزة مصطفى ببرنامج "صالة التحرير"، والمذاع على قناة "صدى البلد"، إن فيديو رقصة التخرج ليس عارًا أو عبء عليها، ولكن تعليقات رواد مواقع التواصل الاجتماعي سبب صدمة وانهيار لها لأنها لم تخرج عن المألوف.

تابعت سمر: "أنا خصيمة أي حد تكلم عني أو تكلم في شرفي، أنا طالعة أتكلم النهاردة علشان خاطر أهلي، يوم التخرج دا المفروض يوم ذكرى جميلة، بسبب كلام مستخدمي السوشيال ميديا تحول لذكرى مش كويسة".

أضافت: "هو كل اللي تصدر التريند بقى بطل أو مشهور، أنا الموقف دا مش خرجت فيه عن النص أو تجاوزت، لبسي محترم ومش في خروج عن النص، أنا مش واحدة وحشة أنا بطل تايكوندو، ومدربة كمان".

انهارت سمر عنتر بالبكاء أثناء حديثها مع الإعلامية عزة مصطفى، لترد الأخيرة عليها قائلة: "من حقك تفرحي وتعيشي اللحظات الحلوة دي، أنا مش عايزاكي تعيطي ولا تبكي أنا بحضنك وببوسك، ربنا ياخد كل شخص يشهر بأي حد، أو يأذي أي شخص أو يكون سبب في أذيته، ربنا ينتقم منه، حقك على رأسي يا سمر أنتي بـ100 راجل يا سمر".