رسالة ياسمين نور الدين إلى سمية الخشاب

علقت الإعلامية ياسمين نور الدين على رسالة الفنانة سمية الخشاب لطلاب الثانوية العامة، والتي نشرتها عبر حسابها الشخصي على موقع التواصل الاجتماعي "إكس".

قالت "نور الدين" خلال برنامجها "جروب الماميز" المُذاع عبر شاشة "مدرستنا 2"، إن الفنانة سمية الخشاب كتبت عبر حسابها الرسمي: "التعليم مابيحددش لا مصير ولا نيلة، بتعرف تجيب فلوس هتعرف تتجوز وتسافر، مابتعرفش يبقى لشهادة هتقرطسها وتحط فيها طعمية".

تابعت متساءلة عن سبب كتابة هذا المنشور، موضحة أننا الآن في زمن النجومية التافهة وصعود أصحاب اللا قيمة والثراء الفاحش للاعبي الكرة الذين يتم بيعهم بالملايين دون أن يكون لديهم إنجازًا حقيقيًا يُشرف اسم بلدهم.

أكملت: "عملك إيه التعليم عشان يبقى بالنسبة لك الفلوس أهم منه وبلاها بقى التعليم، وبعدين هو ده الطموح؟ تتجوز وتسافر؟ مفيش أكتر من كده؟ مفيش تبقى ناجح أو سعيد مثلًا أو صاحب إنجاز وأثر في الإنسانية".

أضافت أنه ماذا كان سيحدث إن كانت مواقع التواصل الاجتماعي موجودة خلال فترة دراسة الدكتور أحمد زويل في كلية العلوم بجامعة الإسكندرية؟ موضحة: "تخيلي كده لو السوشيال ميديا دي كانت أيام الدكتور زويل، الطالب في كلية العلوم جامعة إسكندرية، واللي كانوا بيقفلوا عليه نور المعمل عشان العمال يروحوا، وبعدين يخرج يلاقي ممثلة المفروض أنها مشهورة كاتبة كلام زي ده، على طول هيقول خلاص بقى بلاها تجارب وتعليم".

رسالة ياسمين نور الدين إلى سمية الخشاب