استمع.. أغنية "جامدين جامدين" لـ تامر حسني
طرح الفنان تامر حسني أغنية جديدة بعنوان " جامدين جامدين"، عبر قناته على موقع الفيديوهات يوتيوب.
أغنية "جامدين جامدين" من كلمات محمود سليم وألحان تيام علي وتوزيع هشام محمود.
وجاءت كلمات الأغنية كالتالي:
لو حد زعلان قبلك هاته من إيديه
قوله في ناس فرحانة وجو جديد عليهلو جالنا بس هيطلع من كل اللي فيه
إحنا لمتنا دي بالدنيا كلها
كل دقيقة انبساط بنستغلها
والسكة اللي بتزعل نمشي عكسها
رقص اللي مكشر دلعه
وتعالى من الحزن نطلعه
يلا خلي اليوم ده نولعه ونكتر الحلوين
جامدين جامدين وده كده كده
صحبتنا الحلوة مأكدة
لأ بقى والحلو في كل ده
إحنا كده من سنين
لسه الأيام الحلوة بنا مكملة
والسهرة جامدة معانا ولسه مبيتة
واكيد بكره اللي جاي أجمل من كده
عدي وفوت وكبر وأنسى وماتقفش
فك الزعل علشان بقى وشك مايكرمش
هنعيش الدنيا مرة يا عم
فكها رقص اللي مكشر دلعه
وتعالى من الحزن نطلعه
يلا خلي اليوم ده نولعه ونكتر الحلوين
جامدين جامدين وده كده كده
صحبتنا الحلوة مأكدة
لأ بقى والحلو في كل ده
إحنا كده من سنين