أمينة راثية شقيقتها: كرهت أدخل البيت
نشرت "أمينة" عبر حسابها الشخصي على موقع "إنستجرام" صورة جمعتها بشقيقتها الراحلة، وعلقت عليها كاتبة: "النهاردة ٧/٧ ذكرى وفاة أختي وأمي حبيبتي.. خمس سنين حصل فيهم حاجات كتير قوي".
تابعت: " كل اللي عايزة أقوله ليكي انك وحشتيني جدًا جدًا جدًا وحضنك ده وحشني قوي يا زوزة.. بصي انتي كان وجودك مهم بشكل غريب، بجد أنا عرفت قيمتك قوي دلوقتي.. أنا عارفاها من زمان بس دلوقتي أكتر، كنتي فاتحة البيت وكان قايم بحسك ونضيف وجميل، دلوقتي تحسي انك داخلة بيت طلبة مفيهوش روح ولا أي حاجة.. كرهت أدخل البيت وانتي مش فيه".
أضافت: "بجد كنتى حاجة مهمة أوي أوي أوي ولو انتي موجودة ما كانش اللى بيحصل ده بيحصل لسه وحشتيني يا أختي أوي أوي أوي.. الفاتحة والدعاء لكل من رحلوا عنا. أختي عشق، إسكندرية عشق، ذكرياتي فيها معاكي عشق الله يرحمك ويحسن إليكي يا أختي يا رب".