وائل جسار عن أسماء جلال: "زوجتي قالت هاتها ضرة"

علق الفنان وائل جسار، على تصريحات الفنانة أسماء جلال، التي عبرت بها عن حبها له منذ الصغر وأنها طلبت منه الزواج بعد إحدى حفلاته، مؤكدا أنه أحب ثقتها بنفسها.

قال جسار خلال مداخلة هاتفية مع الإعلامية نهال طايل في حلقة مساء الاثنين من برنامج "تفاصيل" المذاع على قناة "صدى البلد 2"، إن أسماء جلال تحدثت بعفوية لا مثيل لها، موضحا: "أسماء اتكلمت بتلقائية وقالت أنها كانت صغيرة، واللي حصل بعد الحفلة صراحًة أنا مش فاكر، الفنان له معجبين كتير فلما بيخلص الحفلة بيجوا علشان يتصورا معاه، بس مابيركزش قوي على كل حد".

أضاف أنه فوجئ بحديثها عنه، موجها له الشكر، قائلا: "بشكرها من كل قلبي على حُبها ليا، ولأعمالي الفنية.. وبتمنى لها كل خير، وإن شاء الله دائمًا تبهرنا بأعمالها".

تابع: "بعد فيلم (ولاد رزق3) بحس أنها هتبقى نجمة كبيرة، وربنا يوفقها في حياتها، أنا فوجئت بالكلام، وكان أول مرة أسمعه".

أشار إلى أنه أحب ثقتها في نفسها، مضيفا: "قليل جدًا اللي بيتكلموا بالطريقة دي.. وزوجتي قالت لي من باب المزاح (البنت حلوة خلاص مفيش مشاكل تجيبها ضرة عادي)".

أكد أن زوجته متفهمة طبيعة عمله، وأنه فنان له العديد من المعجبين والمعجبات، مشيرا إلى أنها لديها ثقة في زوجها ونفسها.

على صعيد آخر، كانت أسماء جلال، قد كشفت عن حبها الشديد للمطرب وائل جسار منذ صغرها، قائلةً: "بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها".

أضافت "جلال" خلال حوارها في برنامج "معكم منى الشاذلي" على قناة ON: "بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه.. وكنت ألبس فستان حتى لو الناس حواليا لابسة عادي عشان يشوفني.. مع إنه متجوز .. فمش فاهمة أنا كنت بعمل ايه".

تابعت: "طبعاً ولا أخد باله مني خالص.. لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده".