رد الشاب المصفوع من محمد رمضان على اعتذار الفنان
رد كريم شلبي الشاب المصفوع من محمد رمضان على فيديو اعتذار الفنان بعد الواقعة.
قال "شلبي" في مقطع فيديو: "شكرا لكل واحد وقف معايا ودافع عني، وأنا أما اتكلمت اعترفت بخطأي لأن الاعتراف بالحق فضيلة".
تابع: "أنا مطلعتش اتكلم في ولا قناة أو فيديو علشان أنا مش زي ما بتقولوا طالع اركب ترند، الحمد لله أنا شبعان من حب الناس وعيني مليانة من صغري".
كما أشار إلى أنه لديه عدة تعليقات على فيديو اعتذار محمد رمضان، موضحا: "اعتذارك طبعا على راسي من فوق، بس فيه ناس بتتولد صغيرة وبتكبر، وفيه ناس بتتولد صغيرة وبتفضل صغيرة والواحد طالع علشان يتبسط مش فارقة قرية مراسي من قرية اللوتس".
استكمل: "مش هتكلم في حوار إنك طيرت الكاب والنضارة، بس أبقى تقل أيدك شوية، وإذا كانت أيدي الشمال نموسة فأيدي اليمين مرزبة، ولما روحت مكتب الأمن وأنت واخد مني التليفون قالولي نعمل محضر قولتلهم لاء العفو عند المقدرة زي ما النبي قال، وفي الآخر لو حد طالع من الحوار ده مرضي فهو أنا، وشكرا لكل واحد في صفي".
يذكر أن الفنان محمد رمضان، كان قد اعتذر عن صفعه لمعجب، خلال تواجده في الساحل الشمالي، حيث انتشر فيديو عبر مواقع التواصل الاجتماعي ظهر فيه التفاف الجمهور حول محمد رمضان وصفعه لمعجب من بينهم كما رد الأخير الصفعة له.
نشر "رمضان" فيديو له عبر حسابه الرسمي على موقع تبادل الصور والفيديوهات "إنستجرام"، وجه من خلاله اعتذار لأهل الشاب، كما شرح ما حدث بالتفاصيل.
قال "رمضان": "بعتذر لأهل الولد الصغير إن ايدي اتمدت عليه، وبعترف بخطأي، هو أما غلط في الأول قلعته الكاب وبصيت في وشه فغلط تاني قلتله هات التلفون ومتمالكتش نفسي ضربته قلم بسيط طير الكاب والنضارة، ولو هنعتبر الناموسة اللي وقفت على خدي قلم فأنا استاهل 5 عشان مديت إيدي على عيل صغير".
نرشح لك: أول تعليق لمحمد رمضان على أزمة الشاب المصفوع