جنة عليوة: قبلت اعتذار شهد سعيد
كشفت جنة عليوة لاعبة الدراجات، آخر تطورات أزمتها مع زميلتها شهد سعيد، مردفة: "أنا قبلت اعتذار شهد سعيد، خلاص مفيش حاجة وراضية بالقرار، طبعا الرئيس النهاردة تحدث عن القيم والأخلاق الرياضية دي حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان".
أضافت جنة عليوة في مداخلة هاتفية مع الإعلامية فاتن عبد المعبود ببرنامج "صالة التحرير" المذاع على قناة "صدى البلد"، قائلة: "بجد أنا مسمحاها ومفيش أي حاجة معاها، وأتمنى أنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة".
تابعت جنة عليوة: "مفيش مشكلة خالص مع شهد وأتمنى لها التوفيق في حياتها الرياضية، وكمان أتمنى التوفيق للبعثة المصرية في أولمبياد باريس".
أكملت جنة عليوة: "أنا حسمت قراري بقبول الاعتذار بعد بيان عدم مشاركة شهد في أولمبياد باريس، الحمدلله مرة تانية وراضية بقرار الصلح والتنازل عن القضية".
ووجهت جنة عليوة رسالة إلى شهد سعيد قائلة: "والله أنا بتمنالك التوفيق وأتمنى تشاركي في أولمبياد 2028".