"إحنا مش في الجاهلية".. أمين الفتوى ينفعل بسبب سؤال

انفعل الشيخ عويضة عثمان، أمين الفتوى بدار الإفتاء المصرية، في رده على سؤال متصلة.

جاء في شكوى المتصلة خلال برنامج "فتاوى الناس": "أنا ست كبيرة واستلفت فلوس من واحد 56 ألف جنيه، علشان اعمل عملية لبنتي، ومش قادرة أردهم ليه، فهو قالي خلاص اتجوز بنتك الصغيرة بعقد عرفي لمدة 6 شهور مقابل الفلوس دي، وأنا رفضت وقلت له دي يتيمة، ومش عارفة أعمل إيه؟".

قال أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس"، اليوم الثلاثاء: "جواز مؤقت هتبعيها؟!.. ده كأنه بيشتري حاجة، ده إنسان هقول إيه.. طيب هقول إيه في الضمائر اللي ماتت.. أعوذ بالله.. ده الضمائر ماتت تماما للدرجة دي.. الناس مش عايزة تعمل عمل خير للآخر.. إيه يعني؟ 56000 جنيه وأكيد اللي بيدي الرقم ده أكيد عنده ألفات غيرها".

تابع: "اوعي تفرطي في بنتك ده إنسان ضميره ميت، ربنا يحيي له ضميره، إحنا مش في الجاهلية علشان يشتري بنتك".

نرشح لك: نصيحة عمرو الورداني لمتصلة تشتكي كثرة حلف زوجها بالطلاق

كانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.

وتبث قناة الناس عبر تردد 12054 رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.