كلمات أغنية "حاجات جوايا" لـ أمير عيد
طرح الفنان أمير عيد أول أغنية "حاجات جوايا" من ألبومه الجديد Roxi بعنوان "حاجات جوايا".
أغنية "حاجات جوايا" هي من غناء وتأليف وتلحين أمير عيد، وجاءت كلماتها كالآتي:
وشي للبار وضهري للمكان
مش قادر ناس مش قادر عالكلام
تمام برمي السلام
لكن ده ميمنعش إني زهقان
عاوز شوشرة بدون أي احتكاك
انا عايز حب كبير مش قادر ارتباط
انا عاوز لمه عشان لما بروح
دماغي بترقصني وبفكر في حاجات
حاجات جوايا انا لسه مش عارفها
حكايات وقصص كتير انا لسه بألفها
حاجات جوايا انا لسه مش عارفها
حكايات وقصص كتير انا لسه بألفها
سألتني انت مين قلتلها بحاول أكون انا
بلعب مع نفسي ساعات لعبه الاسئله
والحقيقة النتيجة كانت مذهلة
شويه مخجلة لكن هحكيلك
بحب الموناليزا عشان الناس بتحبها
بس الحقيقه عمري في يوم ما فهمتها
عندي شويه مباديء لكن متجزئة
عندي مشاعر فاضل تكه وتبقى ملزقة
بضحك ساعات في السينما علي ضحك ناس
بس الحقيقه الفيلم غبي مفيهوش أحداث
بعمل حاجات كتير محفوظة مش مفهومه
وحبيت عشان حاجات تانية غير الاحساس
حاجات جوايا انا لسه مش عارفها
حكايات وقصص كتير انا لسه بألفها
حاجات جوايا انا لسه مش عارفها
حكايات وقصص كتير انا لسه بألفها
الطريق قصادي بس السبق مش سباقي
العالم ده متساق مش عايز منه حاجه
الناس بتجري حافظة ماشيه ورا الباقي
عالم كله كداب اكتر من الخواجه
مش مهم مش مهتم
لسه مش لاقي الحلم اللي يصحيني
المهم خليني احكيلك
خليني احكيلك شوية عن
حاجات جوايا انا لسه مش عارفها
حكايات وقصص كتير انا لسه بألفها
ويصدر أمير عيد ألبوم Roxi بشكل منفرد ويطرح أغانيه التي يصل عددها إلى 5 أغاني على فصول متسلسلة حيث يحكي كل فصل قصة، يكملها الفصل الذي يليه.
والألبوم له طابع فترة الخمسينات والستينات، ومن إنتاج شركة Sony Music Entertainment Middle East.
وكان الجمهور قد تساءل عن ماهية العمل الفني الجديد الذي روج له "عيد" منذ أيام، وخمن أنه قد يكون ألبوم غنائي أو فيلم سينمائي، وبذلك يتضح أن Roxi أحدث ألبومات أمير الغنائية.
يذكر أن أمير عيد كان قد روج لأحدث أعماله الفنية، بعنوان Roxi، وطرح "عيد" عبر حسابه الشخصي على موقع تبادل الصور والفيديوهات إنستجرام، البوستر الترويجي للعمل، وظهر خلاله بإطلالة كلاسيكية قديمة مع ندى أبادير، وعلق: "Roxi
17-7-2024".
كلمات أغنية "اسمك ايه" لـ أمير عيد