كلمات أغنية "اسمك ايه" لـ أمير عيد
طرح الفنان أمير عيد أول أغنية "اسمك ايه" من ألبومه الجديد Roxi بعنوان "اسمك ايه".
أغنية "اسمك ايه" هي من غناء وتأليف وتلحين أمير عيد، وجاءت كلماتها كالآتي:
قلتلها اسمك ايه قالتلي ليه
قلتلها عادي انا حاسس ان في
بيني وبينك حاجه
مش هنخسر حاجه
ده غير انك جميله
جمال انا بفهم فيه
ايه رأيك ياسمك ايه
نمشي من هنا
ونعيش انا وانتي يوم
لنفسنا
انا ممكن اكون اي حاجه تحبيها
بكره تنسيها عادي
مفيش عندي مشكلة
اعتبريني مانيكان
لبسيني أي شخصية
بقالي فتره زهقان
محتاج لحد حواليه
ونفسي اتشاف ياسمك ايه
واتأكد اني موجود
عايز مشاعر
حتي لو مش حقيقية
مش لازم نعرف أي حاجة أو نشوف
و نعمل حساب لبكره والظروف
متيجي نعيش العمر كله وكأنه ليلة
وبكره لما يجي نبقي نشوف
قلبي بيضق بسرعة طيخ طاخ طوخ
جوايا حب وانتي جوه منك خوف
والعمر بيجري بسرعه يا حبيبتي
ما تسيبي القلب يفكر بدل النفوخ
اعتبريني مانيكان
لبسيني اي شخصية
بقالي فتره زهقان
محتاج لحد حواليه
ونفسي اتشاف ياسمك ايه
واتأكد اني موجود
عايز مشاعر
حتي لو مش حقيقية
قلتلها اسمك ايه قالتلي ليه
قلتلها عادي انا حاسس ان في
بيني وبينك حاجة
مش هنخسر حاجة
ده غير انك جميلة
جمال انا بفهم فيه
ويصدر أمير عيد ألبوم Roxi بشكل منفرد ويطرح أغانيه التي يصل عددها إلى 5 أغاني على فصول متسلسلة حيث يحكي كل فصل قصة، يكملها الفصل الذي يليه.
والألبوم له طابع فترة الخمسينات والستينات، ومن إنتاج شركة Sony Music Entertainment Middle East.
وكان الجمهور قد تساءل عن ماهية العمل الفني الجديد الذي روج له "عيد" منذ أيام، وخمن أنه قد يكون ألبوم غنائي أو فيلم سينمائي، وبذلك يتضح أن Roxi أحدث ألبومات أمير الغنائية.
يذكر أن أمير عيد كان قد روج لأحدث أعماله الفنية، بعنوان Roxi، وطرح "عيد" عبر حسابه الشخصي على موقع تبادل الصور والفيديوهات إنستجرام، البوستر الترويجي للعمل، وظهر خلاله بإطلالة كلاسيكية قديمة مع ندى أبادير، وعلق: "Roxi
17-7-2024".
وكان أمير عيد قد أثار تساؤلات جمهوره، بعدما حذف جميع منشوراته عبر حسابه الرسمي على موقع تبادل الصور والفيديوهات "إنستجرام".
ثم طرح "عيد" مقطع فيديو واحد فقط، ويبدو وكأنه برومو تشويقي لمقابلة تليفزيونية في أحد البرامج الحوارية الأمريكية الكلاسيكية القديمة.
ويظهر خلاله أمير بإطلالة وتصفيف شعر قديم، كما أن المقابلة بالأبيض والأسود، وعلق كاتبا: "interview The Late Night Show".
يشار إلى أن أمير عيد يحيي حفلا مع فريق كايروكي يوم 23 أغسطس المقبل على مسرح ارينا العلمين، ضمن فعاليات مهرجان العلمين في دورته الثانية والذي يستمر في الفترة من 11 يوليو وحتى 30 أغسطس.