عادل عوض: حنان ترك خربت بيوت ناس باعتزالها
أعرب المخرج عادل عوض عن غضبه من قرار الفنانة حنان ترك اعتزال الفن الذي اتخذته عام 2006، موضحا أن قرارها المفاجئ بالاعتزال كان سببا في خراب منازل كثير من العمال الذين كانوا يعتمدون على عملهم في الأفلام كمصدر دخل.
أضاف "عوض" خلال لقائه في برنامج "آخر اليوم" مع الإعلامية سارة نخلة، المذاع عبر شاشة "هي": "زعلت من اعتزال حنان ترك، إحنا بنصنع نجمة، أنا بصنع حتة وبيستلمها مني مخرج آخر ومنتج آخر ومصور، ومذيعات بيستضيفوها، إحنا بنصنع نجم أيقونة زي سعاد حسني وفاتن حمامة، يجي النجم في لحظة يقول مش عايز، عارفة كام عامل مش هياكل علشان هي قررت متشتغلش".
أضاف: "يبقى الفرصة كنا صنعنا واحدة تانية شوفي كام حد بيشتغل في الفيلم، آلاف، فجأة تقولي لا، شوفي أنتي خربتي كام بيت، فجأة لا، يبقى ياريتك من الأول ماجتيش وصنعنا حد تاني".
أشار: "حنان في البداية كانت مهووسة شغل هتموت وتشتغل وبعدين هي باليرينا في معهد الباليه، شيطان رقص، حاجة خطيرة".