كلمات أغنية "على بالي" لـ رامي صبري
طرح الفنان رامي صبري، أغنية جديدة من ألبوم "أنا جامد كده كده"، تحمل اسم "على بالي"، عبر قناته الرسمية على موقع الفيديوهات "يوتيوب".
أغنية "على بالي" من كلمات مصطفى مدكور، ألحان رامي صبري ومحمد علي، وتوزيح محمد يسي، وميكس وماستر أمير محروس.
وجاءت كلمات أغنية "على بالي" على النحو الآتي:
على بالي لو عدت علينا سنين
يا واحشني طولت في غيابك فين
الدنيا من بعدك هعيشها لمين
ما الناس شايفين بقى حالي أنا إيه
على عيني عُمر وعدى وأنت بعيد
وأنا لسه بحكي في حكايتنا وأعيد
وحياني مش لاقيلها أي جديد
طب وأنت بعيد قولي أعمل إيه
ليالي حبيبي أنا مش بنساك
ومكمل حياتي وأنا قلبي معاك
بطمن عليك طول ما أنت بعيد
وبصبر في قلبي وبستناك
بقى هان على قلبك اللي بينا وراح
خدت الحنين ومشيت سايبلي جراح
مين اللي عايش في الفراق مرتاح
أنا ليل وصباح مستني ألاقيك
لا عتاب يرجعلي اللي راح ولا لوم
من يوم فراقنا وضهري بقى مقسوم
واديني بحسب في السنين باليوم
وبنام وبقوم فاكر لياليك
ليالي حبيبي أنا مش بنساك
ومكمل حياتي وأنا قلبي معاك
بطمن عليك طول ما أنت بعيد
وبصبر في قلبي وبستناك
نرشح لك: شاهد.. أغنية "وحش" لـ مسلم
يذكر أن الفنان رامي صبري طرح أغنيته الجديدة "أنا جامد كده كده" عبر المنصات الموسيقية المختلفة ومواقع التواصل الاجتماعي، وهي أولى أغنيات ألبومه الجديد، وهي من كلمات تامر حسين، ألحان رامي صبري، توزيع وميكس وماستر جلال حمداوي.
وجاءت أسماء أغنيات الألبوم كالتالي: "أنا جامد كده كده" و"ما بتحصليش كتير" و"كداب" و"كنا معدين" و"على بالي" و"فيها إيه"، ومن المقرر أن يطلق رامي باقي أغاني الألبوم خلال الفترة القريبة القادمة بالتوازي.