فخور بيكي.. رئيس البعثة الطبية المصرية في الأولمبياد يدعم جنى علي
وجه الطبيب حسن كمال، رئيس البعثة الطبية المصرية في أولمبياد باريس 2024، رسالة للاعبة القوس والسهم جنى علي بعد تعرضها لحملة انتقادات لاذعة على مواقع التواصل الاجتماعي بعد تحقيقها المركز قبل الأخير في منافسات الأولمبياد.
كتب "كمال" عبر حسابه الرسمي على موقع التواصل الاجتماعي "فيس بوك": "أنني باتشرف بكوني رئيس البعثة الطبية المصرية في الأوليمبياد، والصحة النفسية جزء من مسئولياتنا تجاه اللاعبين.. خليني اشرحلكم حاجة.. البعثة زي أي بعثة في العالم - مكونة من ٤ مستويات من اللاعبين".
أضاف: "أولاً أبطال مرشحين للحصول على ميداليات، ثانياً أبطال محتملين مش مرشحين لكن قريبين.. ثالثا لاعبين متوسطين في المستوى هيكونوا في مراكز متوسطة لكن صعب يحققوا.. واخيراً لاعبين مؤهلين لكنهم بعاد عن المنافسة لكن وجودهم مهم ليهم ولتأسيس مستقبل اللعبة في مصر ورفع المستوى تدريجيا".
أوضح: "سعادتك لما بتتريق على اللي خسر وكان بعيد وتعمل حفلة كبيرة عليه مش بتغير نتيجته أثناء الدورة أنت بتحط ضغط رهيب على الناس القريبة من تحقيق ميدالية واللي لسه هتلعب اللعيبة بقت تخاف من السوشيال ميديا أكتر ما بتخاف من المنافسين".
نرشح لك: نجل عمرو أديب عن أميرة أديب: شعبيتها تلف عليتنا في سيجارة!
تابع: "أنا أتمنى في يوم أقدر أقول لكل اللعيبة ما تخافوش الناس في ضهركم سواء كسبتم أو خسرتم، وأتمنى تكونوا في ضهرهم فعلا لان اللاعبين اللي هنا دول أبطال شبه كل بيت وكل واحد فيكم وبقوا أبطال أوليمبيين واقفين في وسط العالم كله وبتكلفة لا تقارن بألعاب تانية ولا بدول تانية".
أردف: "الشباب مستنيين تشجيعكم وان شاء الله يرفعوا راسكم، والصورة صباح اليوم مع بطلة القوس والسهم جنى علي لما لقيتها قاعدة لوحدها قلتلها أنا فخور بيكي وقومي نتصور.. وهي شابة لطيفة وطيبة جدا على فكرة، وبطلة كبيرة على مستوى قارة أفريقيا وإن شاء الله اللي جي أفضل".