في ذكرى وفاته.. رسالة مؤثرة من رانيا فريد شوقي لوالدها
أحيت الفنانة رانيا فريد شوقي ذكرى وفاة والدها الفنان فريد شوقي، ووجهت له رسالة عبرت فيها عن مدى اشتياقها له.
كتبت "شوقي" عبر حسابها الرسمي على موقع التواصل الاجتماعي وتبادل الصور والفيديوهات: "26 سنة علي رحيلك.. اتحرمت منك ومن حنيتك ودلعك، كنت أميرتك، ماكنتش بشيل هم حاجة لأنك كنت سندي وضهري وقوتي، مصدر العطاء والسعادة وحصن الأمان".
تابعت أنه إن كان على قيد الحياة حتى الآن فلم تكن ستمر بمواقف صعبة كثيرة لأنه بالتأكيد كان سيحميها ويُدافع عنها، موضحة: "ساعات بسأل نفسي لو كنت لسه عايش يا ترى أنا كنت همر بكل اللي حصلي في حياتي؟ الإجابة أكيد لا، كنت دايمًا بتتكلم معايا وتقنعني وتنصحني وتحميني حتى من نفسي، وأموت ولا تزعل مني".
نرشح لك: مصطفى حسني: مفيش حاجة اسمها حب غير مشروط
أضافت أنها ما زالت تتحدث معه حتى وإن لم يكن يسمعها: "أنت وحشتني أوي، أنا دايمًا بتكلم معاك حتى لو مش سامعني، بس برتاح لما أفضفضلك، طب عارف إيه اللي بيهون عليا فراقك؟ حب جماهيرك وكلامهم عنك بكل حب، وأصحابك والعائلة، وأمي الله يرحمها حتى هي سابتني وراحتلك، وناهد أختي راحتلك قبلها".
أكملت: "سنة قاسية أوي عليا يا بابا، بحاول أتعايش واهرب للشغل، أنا حقيقي وحيدة من غيركم، مافيش حاجة تعوض الأب والأم.. يارب قويني وصبرني".