كلمات الفصل الثالث من ألبوم "روكسي" لـ أمير عيد
طرح أمير عيد الفصل الثالث من ألبومه الجديد "روكسي"، والتي شاركته في غنائها المطربة المغربية سارة مول البلاد.
نشرت القناة الرسمية للفنان أمير عيد على "يوتيوب"، الفيديو الخاص بالفصل الثالث لألبوم "روكسي"، وجاءت كلمات الأغنية كالتالي:
الدنيا هادية والخلق نايمة
والشمس بتشرق بشويش بشويش
وأنا وأنتي سوا وحدنا في الدنيا
وده يوم في العمر عايزنا نعيش
الشجر بيميل والورد جميل
وريحة الدنيا مليانة حرية
ما يمكن ده يومنا واحنا مش عارفين
هادية الشوارع واحنا وحدنا
الدنيا هس و أنا وأنتي وحدينا
نقدر نرقص زي نجوم السيما
نتحب ونحس بحاجات جوانا قديمة
أنا وأنت وبس الدنيا لينا
الليل رومانسي و أنا نفسي أقول
كلمة بحبك قد الدنيا
نتفرج سوا ونعد النجوم
وتشوف الدنيا شويه بعينيا
ما يمكن دي ليلة بكل العمر
يا سلام لو عيشناها سوا بإحساس
القلب يدق لما يكون حر
ميهموش حاجة ولا رأي الناس
الدنيا هس و أنا وأنتي وحدينا
نقدر نرقص زي نجوم السيما
نتحب ونحس بحاجات جوانا قديمة
أنا وأنتي وبس الدنيا لينا