ليلى طاهر: أرفض العودة للفن بعد سنوات الغياب

قالت الفنانة ليلى طاهر، إنها ترفض عودتها للفن مرة أخرى، وذلك لأنها ابتعدت سنوات عديدة عن الشاشة.

أوضحت "طاهر" خلال حوار صوتي مع "رؤيا مصر"، أن غيابها لم يكن تدريجيا، فلو كانت اختفت بشكل تدريجي لكانت العودة أسهل، وكانت ستكون سعيدة بها، لكن لا تستطيع العودة مرة أخرى بعد انقطاع كل تلك السنوات.

أضافت: "المسافة طولت، بعدي عن الشاشة طول، فكده إحنا بننقل مرحلة تانية خالص، لكن عشان أمتنع وبعدين بعد فترة طويلة أرجع بحاجة، لأ مش دي ليلى طاهر اللي إحنا عرفناها ولا اللي حبناها، دي حاجة تانية بقى".

كما أكدت أنها لا تُجري أي حوارات تلفزيونية أو أي لقاء تظهر فيها، وإنما تكتفي بالحوارات التليفونية، مؤكدة على أنها لا ترغب في تقديم سيرتها الذاتية، قائلة: "لأ محبش، محبش حد لا يعمل شخصيتي ولا يقدم تاريخي، التاريخ معروف ويكتب واتقال كتير، لكن مفيش واحدة تعمله".

لفتت إلى أنه لا يوجد أي فنانة تراها امتداد لها، فكل فنان له طابعه الخاص، فقد يكون هناك أفضل منها، لكن لا يوجد امتداد لها.

ووجهت رسالة لمن يطلق شائعات الوفاة بشأنها، قائلة: "ممكن أقاضي الشخص اللي طلع شائعة وفاتي لو عرفته، ليه تؤلم أحبابي وأصدقائي وأهلي؟ ليه تخلي الناس تدور على حبايبها وتصورلهم أنهم ماتوا؟ إلا إذا كنت أنت مش لاقيلك حاجة تكتبها، مش لاقي حاجة شوفلك شغلة تاني".