بوسي: "مقدرش أقول على نفسي صوت مصر"
علقت الفنانة بوسي عن رأيها في الجدل المتواجد بين الجمهور على لقب صوت مصر، لافتة إلى أنها ترفض الألقاب.
قالت بوسي في لقاء مع "عرب وود": "أنا مبحبش موضوع الألقاب ده أوي، كل واحدة ليها ستايلها وليها شغلها وليها صوتها اللي اتميزت بيه، كل واحد بيحب مطربة شايف أنها صوت مصر علشان كده حاصل خناقات دلوقتي".
نرشح لك: بوسي لـ شيرين: "حرام اللي بتعمليه في نفسك"
تابعت: "لكن السوق هو اللي يحكم مين رقم واحد أو اتنين أو تلاتة.. مينفعش أقول على نفسي صوت مصر، السوق يحكم".
في سياق آخر، وجهت الفنانة بوسي رسالة إلى الفنانة شيرين عبد الوهاب، تحثها فيها على العودة إلى الغناء والتركيز في تقديم فنها للجمهور.
قالت بوسي: "بعشق شيرين وصوتها ومستخسرها، وبقول حرام اللي بتعمليه في نفسك". مؤكدة على أنها لا ترغب في التدخل في حياتها الشخصية.
أكدت أنها توجه إليها نصيحة معتبرة نفسها معجبة من معجبيها، وليست فنانة زميلة، مردفة: "إحنا محتاجين شيرين بتاعة زمان اللي كانت مركزة في شغلها أكتر، اللي كانت بتحب مهنتها وبتحب الغنا اللي بتحب شغلها، اللي دايما بتعمل حاجات حلوة تكسر الدنيا، محتاجها ترجع تاني، وربنا يعملها كل الخير".