حسام حبيب يرد على اتهامات شيرين: ارحموني منها
رد الفنان حسام حبيب على الاتهامات التي وجهت له مؤخرا من قبل الفنانة شيرين عبد الوهاب، والتي اتهمته بسرقة خزنة خاصة بها بالإضافة إلى تحويلها أموال له حتى يبتعد عنها.
قال "حبيب" في تسجيل صوتي مع ET بالعربي: "طبعا أنا خجلان من كل اللي بيحصل، ومش عارف أقول أيه عن اللي بيحصل، والناس عندها حق تزهق، بس والله العظيم التصرفات دي أنا بريء منها تماما، بس ممكن يكون ده حصل علشان هي بقالها يومين بتحاول تتصل بيا وأنا رفضت وقولت مش هينفع كل مرة أسامح، كلها اتهامات كاذبة ويحاسب عليها القانون والمرة دي مش هرجع في كلامي والقانون ياخد مجراه".
ورد على ادعاءات شيرين بأنها حولت له مبلغ مالي قدره 200 ألف دولار، وقال: "جملة (تحويل مالي للزوج) معناه إن أنا لسه جوزها وهي بتكدب على الناس يا إما بتكدب على البنك يا إما هي بتدلعني بقى، فيه حد يكون بيضغط على حد أنه يدفع فلوس غصب عنه ويكتب غرض التحويل، تحويل مالي للزوج؟".
استكمل: "اللي بيقول سرقت خزنة وتحويل بنكي، سرقتهم إزاي بقى؟ لبست طاقية الاخفاء ودخلت؟ وكل مرة سرقة وكلام استغفر الله العظيم أقل بكتير من إن أنا أعلق عليه، ده أنا إيه شيخ منصر؟ كل شوية أسرق خزنة واخد فلوس ومحدش قادر عليا يعني؟".
وأردف حسام حبيب: "أنا تعبت وبستنجد بالناس في الوطن العربي، ارحموني منها، ده ذنب أنا عملته في حياتي أنا مش عارف ده إيه ده، وأنا لسه هطلع اتكلم بكل التفاصيل وده مش تهديد ومش بقول كده علشان اطلع اخوفها، لا ده حقي اللي أنا بقالي سنين مش عايز اخده وعمال يتهان في سمعتي وسمعة أهلي، أنا متربي كويس ومن عائلة كويسة جدا ومتعلم في أماكن كويسة وبعرف ربنا سبحانه وتعالى وقاري وكاتب، اللي بيخاف ربنا مايعملش كده".
تابع: "هي بتستقوى بالناس، اللي ربنا اداهولها بتستقوى بيه على ناس، هي دايما تهددني لو مردتش هعمل كذا، مش هخليك تمشي في الشارع، يا جماعة أرجوكم ماتبقوش سلاح في أيد حد بيظلم حد وعايز يجبره على حاجة هو مش عايزها".
نرشح لك: موعد طرح أغنية 1 2 3 لـ أحمد سعد
تشهد قضية شيرين وحسام تطورات وجدل واسع، ووجّهت اتهامات له بالسرقة وتداول صورة من تحويل مبلغ مالي له خلال الفترة الماضية، بقيمة "200 ألف دولار".
اتهامات شيرين لحسام حبيب
يذكر أن شيرين عبد الوهاب استغاثت بالجمهور وطالبت بإبعاد حسام حبيب عنها وعن ابنتها هنا، متهمة إياه بسرقة خزنة ببيتها، بالإضافة إلى تحويلها أموال له قدرها 200 ألف دولار حتى يبتعد عنها ولكنه لا يتركها بحالها.