إبراهيم فايق عن هزيمة المنتخب الأولمبي بسداسية: خسارة كارثية
علق الإعلامي الرياضي إبراهيم فايق، على هزيمة منتخب مصر الأولمبي من نظيره المغربي، في مباراة تحديد المركز الثالث ضمن أولمبياد باريس 2024، بسداسية دون رد.
كتب عبر موقع التدوينات القصيرة "إكس": "خسارة كارثية.. فرق واضح في كل حاجة.. إحنا ناس بنشتغل اليوم بيومه.. ارزقيه على باب الله.. بنفرح باليومية اللي نخدها وبنكسل نشتغل تاني يوم.. ما هي بتيجي بالجدعنة والفهلوة.. أخطط ليه وارتب ليه واشتغل قبلها بسنين؟!!".
نرشح لك: النيابة تجري تحقيقات موسعة بشأن موضوع اللاعب أحمد رفعت
تابع: "دي أقصى حاجة ممكن تتعمل في حالة اللا تخطيط دي.. جهود فردية من اللعيبة أحيانا.. رغبة تزيد وتقل.. نجاح مدرب بشكل أحادي جدا في ظل مقاومة لكل طلباته.. يعني إنت في حالة العبث دي اخدت كل حاجة تقدر تاخدها"..
أضاف: "مستحيل تقدر تنافس المنظومة الجماعية اللي عندها خطة وأهداف واضحة وشكل ونشأة معينة بيوصل أعلى رتم فيها في البطولات الكبيرة علشان كده بكل تقدير ببارك للمنتخب المغربي.. حقهم وعن جدارة".
اختتم: "وإحنا خلينا واقعيين مش هيبقى معندناش ونتساوى باللي اجتهد ونظم ورتب لنفسه من سنين.. حزين علشان اللاعيبه بتاعة منتخب مصر الأوليمبي دي والجهاز تعبوا جدا وكانوا يستحقوا ختام أفضل بس مستوعب أنهم اشتغلوا في لا منظومة موجودة من زمان بلا أي نظام.. فالعيب مش هيبقى عندهم أبدا".