منة فضالي تتبرأ من إعلان لشركة مبيدات حشرية
تبرأت الفنانة منة فضالي من إعلان قدمته لإحدى شركات المبيدات الحشرية، مؤكدة لجمهورها أنه غير حقيقي خاصة أنها جربت المنتج بنفسها.
قالت "فضالي" عبر حسابها على موقع التواصل الاجتماعي "فيس بوك": "كنت عملت دعاية لشركة رش للحشرات، الشركة دي كدابين وأنا مكنتش اتعاملت معاهم قبل كده، بس قولت كده في الإعلان لأنهم جايبين ستوري بورد لازم أقوله كنت فاكرة أنه حقيقي والله، بس علشان اخلص ذمتي حبيت أوضح للناس إني عن تجربة الرش ده مش حقيقي والبيت عندي مليان حشرات وأبراص بل أكتر، والمفرض أنهم يعني حاطين حاجات ومبيدات للحشرات بس ده مش حقيقي".
تابعت: "أنا حبيت أوضح اه ممكن أعمل دعاية وأجرب المنتج بس لازم بما إني جربت وكان مش حقيقي، لازم أوضح للناس كلها علشان ميصدقوش اي حاجة".
يذكر أن منة فضالي شاركت في رمضان 2024، ضمن مسلسل "كوبرا" إلى جانب محمد عادل إمام ومجدي كامل وهشام إسماعيل وعلاء مرسي وأوس أوس ودنيا ماهر، من إخراج أحمد شفيق وتأليف أحمد محمود أبو زيد وأحمد دعية.