ملخص تصريحات حسين الشحات عن أزمة الشيبي

تحدث حسين الشحات، لاعب النادي الأهلي، عن الواقعة الشهيرة مع لاعب نادي بيراميدز محمد الشيبي، بعد قيام الأول بتوجيه صفعة للثاني في إحدى اللقاءات التي جمعت بين فريقهما في نهاية الموسم الماضي من الدوري.

قال حسين الشحات في تصريحات عبر برنامج "الكورة مع فايق"، والذي يبث عبر قناة "MBC Masr2": "بتمنى ربنا يسامحني على الموقف اللي عملته، وزعلان من نفسي بعد واقعة الشيبي".

أضاف: "قعدت أسبوع أو 10 أيام مش بنام بسبب اللي حصل مع الشيبي، وأعتذرت مرة واثنين وثلاثة له ولأهله وبعتذر له ثاني دلوقتي".

استكمل: "في شخصيات كثير تدخلت لحل المشكلة ولكن هو مصمم على رأيه، وفتحت بيتي للشيبي ورضا سليم عارف الكلام ده".

وتابع: "لم أتوقع وصول الأزمة بيني وبين محمد الشيبي للمحاكم، وكل شخص حر، وأنا اتعلمت من ده، ومش من طبعي الشتيمة".

أشار: "قعدت أسبوع أو 10 أيام مش بتكلم خالص ومابنامش بعد واقعة صفع الشيبي، لأن دي مش طبيعتي، ولومت نفسي، وكنت متضايق جدا، واعتذرت أكتر من مرة ليه ولأهله، وهو أكيد متأثر نفسيا وأنا بعتذرله ولأهله، نقطة الشتيمة والسب، أنا زعلان إن أنا عملت كده، بس أي حد بيغلط وكلنا بنرجع لربنا وأتمنى ربنا يسامحني".

وعن تغريمه من الأهلي بعد صفع الشيبي، قال: "اتغرمت نص مليون جنيه، كتير، وساعتها كنا لسه واخدين الدوري ودي الفلوس اللي داخلة لي، كلها راحت، بس أنا تقبلت لأني كنت غلطان، وساعتها كانت الغرامة مبلغ قليل واتضاعف، وكلمت كابتن سيد وقولتله دي المكافأة اللي داخلة لي، قالي ده قرار كابتن الخطيب".

استكمل: "الحمد لله إن أنا خرجت من ماتش بيراميدز التاني سليم، دخلة الشيبي على رجلي كانت مؤذية، لما كنت واقع في الأرض كنت بقول للاعيبة إن هو داخل يأذيني وأنا مش بمثل، والحكم هيطرده، قولت للشيبي مش علشان فيه مشكلة بيني وبينك عايز تبطلني كورة".