تعليق عزيز الشافعي على أزمة أغاني شيرين بسبب روتانا
علق الملحن عزيز الشافعي على أزمة الفنانة شيرين عبد الوهاب مع شركة روتانا وحذف أغانيها الجديدة.
قال "الشافعي" في مقطع فيديو عبر قناته الرسمية على موقع الفيديوهات يوتيوب: "نزل غنوتين من ألحاني لشيرين عبد الوهاب وكنت أتمنى ينزلوا بطريقة أحسن من كده، شيرين وعدت جمهورها أنها هتنزل أغاني وأصعب حاجة أن الفنان يبقى عايز يشتغل ويتمنع".
نرشح لك: استمع.. برومو أغنية "بتمنى أنساك" لـ شيرين
تابع: "إحنا عندنا شيرين واحدة وعايزين نسمعها ونفرح بأغانينا مجهود كبير عملناه في الأغاني وفرحان أنها بصوت شيرين وزعلان أنها بتتمنع، الاستعجال في نزول الأغاني ضايقني لكن شيرين كانت مجبرة وأنا متفهم موقفها وبدعمها وفي ضهرها".
استكمل: "الاستعجال خلى أغنية زي بتمنى أنساك تنزل قبل ما تخلص بس مش ده المهم، المهم إني عايز اسمع شيرين في كل حتة، في الراديو واليوتيوب والمنصات، لأن الأغاني دي تستاهل وأنتوا استقبلتوها استقبال رائع، وبقول يا رب شيرين تعدي الأزمة دي زي ما عدت كتير وأنا فرحان بحماسها وشجاعتها ومقدر أنها ممكن تكون غلطت أو التعاقد فيه حاجة غلط أو هي تعدت على حقوق حد، وأنا مبحبش كده طبعا".
اختتم: "أتمنى يبقى فيه حد كبير في المزيكا أو في أي حتة يحل الإشكالية دي ويخلي الناس ناخد حقوقها وشيرين تشتغل وتمتعنا وتخرج من مشاكلها الخاصة وتتكلم معانا في الفن".
