استمع.. أغنية "بتمنى أنساك" لـ شيرين عبد الوهاب
طرح الملحن عزيز الشافعي، أغنية "بتمنى أنساك" للفنانة شيرين عبد الوهاب، عبر "إنستجرام"، وذلك بعد أزمتها الأخيرة مع شركة روتانا والتي قامت بحذف أغنيتها من على القناة الرسمية على منصة "يوتيوب"، بسبب أزمة التعاقد.
أغنية "بتمنى أنساك" من كلمات وألحان عزيز الشافعي، وتوزيع توما.
نرشح لك: تعليق عزيز الشافعي على أزمة أغاني شيرين بسبب روتانا
وجاءت كلمات الأغنية كالتالي:
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم
بتمنى أنساك زي ما أنت نسيتني في يوم
بتمنى أنساك وانسى إن أنا حبيتك يوم
وييجي النوم
أو ييجي الموت
بس يسكت صوت الآه والعتاب واللوم
بتمنى أنساك
أنا بتمنى أنساك
هو أنا حبيتك ليه؟ صدقت كلام أوهام
وصحيت على نار وآلام
كان قلبي وحيد مرتاح
وأنت اللي مليته جراح
خليتني أحبك ليه
لما أنت محبتنيش؟ وازاي أنا بموت وتعيش وعينيك بالليل بتنام
بتمنى تزول ملامحك من بالي تزول
لو حتى تروح بطلوع الروح مقبول
بتمنى تزول ملامحك من بالي تزول
لو حتى تروح بطلوع الروح مقبول
بس مش معقول
اتعذب على طول
كل يوم بعينيك مشغول
كل يوم بإيديك مقتول
هو أنا حبيتك ليه؟ صدقت كلام أوهام
وصحيت على نار وآلام كان قلبي وحيد مرتاح وأنت اللي مليته جراح خليتني أحبك ليه
لما أنت محبتنيش؟ وازاي أنا بموت وتعيش وعينك بتنام
بتنااام
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم
بتمنى أنساك.
تفاصيل أزمة شيرين الأخيرة مع روتانا
طرحت الفنانة شيرين عبد الوهاب أغنيتان "بتمنى أنساك"، و"اللي يقابل حبيبي"، عبر قناتها الرسمية على موقع الفيديوهات "يوتيوب"، وحققت مشاهدات عالية بعد طرحها بساعات.
وحذفت شركة روتانا الأغنيتان من موقع يوتيوب بعد ساعات من طرحهما، على خليفة أزمة التعاقد بينهما.
وعلق الملحن عزيز الشافعي على أزمة الفنانة شيرين عبد الوهاب مع شركة روتانا وحذف أغانيها الجديدة.
قال "الشافعي" في مقطع فيديو عبر قناته الرسمية على موقع الفيديوهات يوتيوب: "نزل غنوتين من ألحاني لشيرين عبد الوهاب وكنت أتمنى ينزلوا بطريقة أحسن من كده، شيرين وعدت جمهورها أنها هتنزل أغاني وأصعب حاجة أن الفنان يبقى عايز يشتغل ويتمنع".
تابع: "إحنا عندنا شيرين واحدة وعايزين نسمعها ونفرح بأغانينا مجهود كبير عملناه في الأغاني وفرحان أنها بصوت شيرين وزعلان أنها بتتمنع، الاستعجال في نزول الأغاني ضايقني لكن شيرين كانت مجبرة وأنا متفهم موقفها وبدعمها وفي ضهرها".
استكمل: "الاستعجال خلى أغنية زي بتمنى أنساك تنزل قبل ما تخلص بس مش ده المهم، المهم إني عايز اسمع شيرين في كل حتة، في الراديو واليوتيوب والمنصات، لأن الأغاني دي تستاهل وأنتوا استقبلتوها استقبال رائع، وبقول يا رب شيرين تعدي الأزمة دي زي ما عدت كتير وأنا فرحان بحماسها وشجاعتها ومقدر أنها ممكن تكون غلطت أو التعاقد فيه حاجة غلط أو هي تعدت على حقوق حد، وأنا مبحبش كده طبعا".
اختتم: "أتمنى يبقى فيه حد كبير في المزيكا أو في أي حتة يحل الإشكالية دي ويخلي الناس ناخد حقوقها وشيرين تشتغل وتمتعنا وتخرج من مشاكلها الخاصة وتتكلم معانا في الفن".