كارمن سليمان: أنغام اختارتني أقدم سيرتها الذاتية
كشفت الفنانة كارمن سليمان، عن تفاصيل ألبومها الجديد بعنوان "حبايب قلبي". وأشارت إلى أنها ترغب في عمل دويتو مع الفنان تامر حسني.
قالت الفنانة كارمن سليمان لبرنامج "نجمك مع يارا"، المذاع عبر شاشة قناة "هي": "علمنا ميني ألبوم حبايب قلبي بحب أوي أنا وعزيز الشافعي ومصطفى جاد، واشتغلنا عليه بكل حاجة جوانا، وكنا مبسوطين جدًا بالفكرة اللي جت أصلًا من عند عزيز، وعزيز فعلًا كان مديني أحسن حاجة عنده".
نرشح لك: كلمات أغنية "يا ويل حالي" لـ هاني شاكر
أضافت: "ألبوم حبايب قلبي كله من كلمات عزيز الشافعي، ما عدا أغنية (حرام معلش) دي كلمات منة القيعي، وأنا بحب الأغنية دي جدًا وهي مناصرة لـ الستات على الرجالة، وبقالي كتير أوي مغنتش الطريقة دي، وهتحيز للبنات لأننا أحلى حاجة في الدنيا وأي حاجة من غيرنا وحشة".
في سياق آخر، علقت على اختيار أنغام لها لتجسد سيرتها الذاتية: "أنغام من أوائل الناس اللي شجعتني وبتدعمني جدًا، وأنا بحبها جدًا على المستوى الفني والشخصي، وفكرة أن أنا أعمل السيرة الذاتية ليها دي حاجة كبيرة، ومش عارفة هقدر أعمل ده ولا لأ، بس متأكدة أن لو اتعرض عليا ده لازم أشتغل عليه جدًا لأنه مش سهل".
اختتمت: "بحب تامر حسني جدًا، وبحب كل اللي بيعمله ودايمًا ببقى متابعة كل حاجة بينزلها، ونفسي أعمل دويتو معاه، وبرضو نفسي أعمل دويتو مع ويجز، هو موهوب جدًا ومن الناس المهمة جدًا في مصر والوطن العربي".