كلمات أغنية "هنحتفل" لـ شيرين
طرحت الفنانة شيرين عبد الوهاب، أغنية جديدة بعنوان "هنحتفل" عبر منصاتها على وسائل التواصل الاجتماعي.
أغنية "هنحتفل" هي ثالث أغنية تطرحها شيرين خلال الأيام الماضية، من أغانيها الجديدة التي وعدت بها جمهورها.
أغنية "هنحتفل" من كلمات تامر حسين وألحان عزيز الشافعي وتوزيع توما.
وجاءت كلمات الأغنية كالتالي:
انا عايزة اقولك لو كنت معايا
تركيزي كله ودنيتي ليك
لا عادي جدا هلغي اللي ورايا
وافضالك انت وادلع فيك ادلع فيك
تليفوني هيتقفل هيتقفل
وانا وانت هنحتفل هنحتفل
باللحظة الحلوة دي
والنوم ده حرام عليه
ده حرام لو الواحد غفل
عايزة استغلك وما اسيبش دقيقة
ماتكونش فيها العين في العين
انا مش ببالغ لا دي حقيقة
جنبي القمر ده وابص لمين ابص لمين
تليفوني هيتقفل هيتقفل
وانا وانت هنحتفل هنحتفل
باللحظة الحلوة دي
والنوم ده حرام عليه
ده حرام لو الواحد غفل
وانا لما اقابلك عندي كلام تاني
كلام من اللي هتسرح فيه
اسمك وسيرتك لازمة على لساني
في القرب ممكن يحصل ايه هيحصل ايه
تليفوني هيتقفل هيتقفل
وانا وانت هنحتفل هنحتفل
باللحظة الحلوة دي
والنوم ده حرام عليه
ده حرام لو الواحد غفل
طرحت الفنانة شيرين عبد الوهاب أغنيتان "بتمنى أنساك"، و"اللي يقابل حبيبي"، عبر قناتها الرسمية على موقع الفيديوهات "يوتيوب"، وحققت مشاهدات عالية بعد طرحها بساعات.
وحذفت شركة روتانا الأغنيتان من موقع يوتيوب بعد ساعات من طرحهما، على خليفة أزمة التعاقد بينهما.