أحمد موسى: العلمين الجديدة مش للأغنياء فقط
أكد الإعلامي أحمد موسى أن مدينة العلمين الجديدة متاحة لمختلف الطبقات، وليست للأغنياء فقط، بل يمكن الاستمتاع بكل ما فيها بدون إنفاق جنيه واحد.
أضاف موسى، في تعليق ببرنامجه "على مسئوليتي" على قناة "صدى البلد"، السبت، أن العلمين مدينة مفتوحة للجميع وبلا أسوار، بعكس بعض المناطق الأخرى المغلقة في الساحل الشمالي، والتي لا تستقبل سوى سكانها أو ملّاكها فقط.
نرشح لك: تامر أمين عن أولمبياد 2040: قدامنا وقت نخلّف رياضيين جدد
وتابع: "لو ملكش حد في مارينا، متدخلهاش، ولا تشوف البحر بتاعها، العلمين مش كده"، مشيرًا إلى وعد الرئيس السيسي بوجود شاطئ عام لكل الناس في العلمين الجديدة.
وواصل أحمد موسى: "العلمين الجديدة مش للأغنياء، العلمين الجديدة لكل الناس، كله ينزل بحر العلمين الجديدة، اللي دفع فلوس وواخد شقة هناك أو بيت ينزل، اللي مدفعش وجاي يقضي يوم ينزل".
وأكمل: "تدخل المطاعم زيك زيه بالضبط، العلمين الجديدة مدينة مفتوحة لأي حد يدخل في أي وقت.. عايز تتغدى في فندق اتغدى، عايز تنزل البحر انزل، ولا حد هيقولك بتعمل إيه، لو عايز تقعد ما تصرفش ولا جنيه، مش هتصرف ولا جنيه، لو عايز تروح وتقضي يوم وما تصرفش ولا جنيه، روح أنت حر، عايز تاخد حاجتك معاك أنت حر".