موقف حمزة نمرة من التمثيل
أكد الفنان حمزة نمرة أنه لا يرى ضرورة لأن يكون المطرب ممثلاً، قائلاً: "أنا شايف مش لازم المطرب يكون ممثل أصلاً".
أضاف "نمرة" خلال حديثه في برنامج "واحد من الناس"، مساء الخميس، المذاع عبر شاشة "الحياة" مع الإعلامي عمرو الليثي: "دايماً بتسأل السؤال ده، والفكرة مش بس أنه وشه يصلح للتمثيل. وأنا عند رأيي أنه المطرب مينفعش يمثل أصلاً".
نرشح لك: حمزة نمرة: أغنية "فاضي شوية" خرجت من رحم المعاناة
تابع: "أنا بحب أتفرج على أفلام ومسلسلات كتير سواء عربي أو أجنبي، وفكرة إني أمثل يعني أضع نفسي أمام أشخاص محترفين زي الراحل أحمد زكي، محمود عبد العزيز، ونور الشريف، اللي بيوضحوا أن التمثيل صناعة. وأتكسف إني أمثل في حضرة ناس زي دول".
اختتم: "لو كنت عايز أمثل، كان المفروض أدرس وأخليها صنعتي وأركز فيها وما أركزش في حاجة تانية، ويكون هدفي التمثيل. لكن أنا مش شايف أن التمثيل هو هدفي، أنا عارف هدفي من زمان وهو حبي للفن والموسيقى. بحب أعبر عن نفسي من خلال الموسيقى، وبحس إنها بتعبر عني بأفضل شكل ممكن".