أحج ولا أشتري شوار البنت؟ محمد أبو بكر يجيب
رد الشيخ محمد أبو بكر على سؤال إذا كان شخص لديه ابنة ومعه أموال، فهل يؤدي فريضة الحج أم يشتري جهاز البنت للزواج؟
قال "أبو بكر" في برنامج "إني قريب" عبر قناة النهار: "أحج، ومفيش حاجة اسمها أشور البنت وتتكتبلي حجتين وعمرتين ده مش في دين ربنا، الحج من أركان الإسلام الخمس لمن استطاع، وأنت استطعت أهو ربنا اداك الفلوس".
تابع: "ماتقوليش اجهز البنت، المصيبة أنه يعتقد في هذا الكلام ويلقى الله به ويحاسب عليه، أنت تلقى الله وأنت مخالف للدين وتعتقد على خلاف ما أمر الله والرسول، مفيش حاجة اسمها جهاز البنت مقدم على الحج والعمرة الكلام ده فاضي".
نرشح لك: محامي ضحية أحمد فتوح: لا يوجد تصالح حتى الآن
في سياق آخر، تحدث عن صلة الأرحام، وقال: "العلاقة مع الأهل بصلة الرحم ملهاش دعوة بالفلوس، صلة الأرحام تعني أن أصل من قطعني".
أردف: "ارفعوا الأموال عن الأرحام، العلاقة بتفسد لما بيدخلها الطمع، مثلا عمك أو خالك ربنا فتح عليه، فأنت شايف إن ماله ده حقك، ولو رفض يديك تعتبره قاطع رحم وتخلي أمك وأبوك ميتكلموش معاه، لاء خلي الفلوس بعيد عن صلة الأرحام".