حسن شاكوش: الناس شايفة الفنان فلوسه حرام

تحدث مطرب المهرجانات عن نشأته في منطقة شعبية، والصعوبات التي تواجهه في الوسط الفني ونظرة الجمهور للفنان، مشيرا إلى أنه حافظ على نفسه ولم يلجأ للتدخين أو أي شيء خاطيء.

قال "شاكوش" مع الإعلامي عبد العزيز أحمد في برنامجه "بالمايك والقلم": "أنا من منطقة شعبية بولاق الدكرور، المنطقة دي يعني اللي مش معاه شغل أو متعلم كويس بيمشي غلط وأنا الحمد لله حافظت على نفسي عمري ما شربت سيجارة أو شيشة والحاجات دي مش من اهتماماتي".

تابع: "للأسف لما دخلت مجال الفن يعني لو قايم من على سجادة الصلاة وبقولهم إني بصلي هيقولولك لا أنت بتضحك علينا".

نرشح لك: غدًا.. صُناع أغنية "عالم خيالي" مع هبة الأباصيري على CBC

ذكر "شاكوش" بعض المواقف التي أثرت عليه سلبياً، قائلا: "مشكلة المجال بتاعنا الناس بتشوف الفنان من ورا الكاميرا مابتشوفش حياته الشخصية، في ناس بتيجي تسألني وأنا على المسرح أنت مالك مهيبر كده ليه أنت شارب إيه أو بتشرب إيه وبلاقي تعليقات سخيفة زي حلو النوع اللي أنت شاربه ده أو الدماغ عالية والحاجات دي بتضايقني نفسيا لأني أنا مش كده".

اختتم: "مشكلة الفنان إن الناس شايفاه في حتة وحشة زي أنه فلوسه حرام أو خمورجي أو بتاع مخدرات ومش شايفين إن ربنا اداله الموهبة دي أو فتحله باب الرزق عشان ورايا بيوت ناس كثير غير أهلي وفرقتي والناس اللي بتشتغل معايا، أنا كل الناس دي مسئولة مني".