عاصي الحلاني يدعم شيرين عبد الوهاب
دعم الفنان عاصي الحلاني، الفنانة شيرين عبد الوهاب في أزمتها الأخيرة مع شركة الإنتاج روتانا، لاسيما أزمتها مع طليقها الفنان حسام حبيب.
قال "عاصي" خلال لقائه ببرنامج "Arabwood": "أتمنى شيرين ترجع أقوى لأنها فنانة علاقتي بيها أخوية وصداقة وعشرة، بتمنالها تكون في أحسن حالاتها".
نرشح لك: شيرين عبد الوهاب عن أزمتها مع روتانا: صوتي مش هيتقطع أبدا
في نفس السياق تحدثت الفنانة شيرين عبد الوهاب عن أزمتها مع شركة الإنتاج روتانا، بعد حذفها الأغاني التي تطرحها "عبد الوهاب" مؤخرا.
قالت "عبد الوهاب" خلال مداخلة هاتفية مع الإعلامي عمرو أديب: "أنا مكنتش بتكلم، كنت قاعدة زي ست خيبتها، بس أنا صوتي ده مش هيتقطع أبدا وهفضل أغني وهفضل راكبة القطر بتاعي ومفيش حد هيعرف يوقفه".
أشارت: "أنا ماضية دلوقتي مع شركة ربنا، أنا اللي منجحني وواقف معايا هو رب العالمين وأنا مش محتاجة شركات، الكل يلزم حده أنا فنانة وكبيرة أوي".
أوضحت: "ده رزقي ورزق عيالي أنا مش هديه لحد، مش كفاية خدوا 8 مليون جنيه مني في الغلط.. دي فلوس عيالي".
تابعت: "قولت لـ روتانا تاخدوا كام وتحلوا عني؟ قالوا عاوزين الشرط الجزائي وتعويض، قولت أنا هعمل اللي مفيش شركات هتقدر عليه وعملت".
فيما ردت شيرين على دعوة روتانا للصلح وتسوية العقد، قائلة: "آسفة أنا ضاع من عمري سنين كتير أوي والنجاح اللي أنا شايفاه دلوقتي الفضل فيه للجمهور، وأنا بهديه أغانيا ببلاش.. آخر مؤتمر صحفي أنا قولت روتانا معاها الأغاني بس هي اللي مش عايزة تنزلها.. فيه مؤامرة إن أنا أقعد في البيت".
عاصي الحلاني يدعم شيرين عبد الوهاب