المحامي ياسر قنطوش يكشف أسباب تنحيه عن قضايا شيرين
كشف المستشار ياسر قنطوش، سبب تنحيه عن قضايا الفنانة شيرين عبد الوهاب بعد تصريحاتها الأخيرة مع الإعلامي عمرو أديب.
قال "قنطوش" خلال مؤتمر صحفي: "متواصلتش مع شيرين بعد مداخلتها مع عمرو أديب لأن الكلام ضايقني ومكنتش عايز أتكلم معاها وأنا منفعل".
نرشح لك: بعد تصريحاتها.. محامي شيرين يتنحى عن قضاياها
أضاف: "بعد الكلام اللي قالته صعب إني أكمل بعد الكلام اللي اتقال على الهوا، دي سمعة مكتب وكيان كبير بقاله 30 سنة، وده بيحتم عليا أوضح مين بيتكلم غلط ومين اللي مش فاهم شغله، هي مكنش قصدها عليا".
أشار: "علاقتي بشيرين كلها احترام، اللي بيني وبينها كبير، مشوفتش منها غير كل خير وهي مشافتش مني غير كل خير، وعمري ما تخليت عنها تطلبني الساعة 4 الفجر كنت بكون قدامها، وأنا النهاردة مش بتخلى عنها أنا بحافظ على اسمي مش أكتر، وأنا مكمل في القضايا لحد ما تشوف محامي تاني".
