"حشرة".. سبب أزمة تامر شلتوت الصحية
كشف الفنان تامر شلتوت عن آخر تطورات حالته الصحية، بعد تعرضه لوعكة صحية شديدة وخضوعه لعملية جراحية.
أوضح "شلتوت" في تعليق على مقطع فيديو نشره على حسابه بموقع تبادل الصور والفيديوهات "إنستجرام"، أن حشرة كانت سبب في تدهور حالته الصحية. وقال خلال الفيديو: "أول فيديو أصوره بعد ما ربنا أراد ليا إني أقوم من الوعكة الصحية، وأنا بشكر كل اللي سأل عليا وكل أصدقائي وزملائي وكل الصحفيين اللي اهتموا يسألوا عليا، الحمد لله ده مرض وابتلاء من الله عز وجل وربنا أراد أنها تعدي على خير".
نرشح لك: السجن سنة لـ عصام صاصا وشقيقه بتهمة التزوير
أضاف: "صدقني أنا معرفش إيه اللي حصل ولا كان وضعي إيه، وكل اللي أعرفه إني كنت مع بعض الأصدقاء في زيارة في أمريكا ومكنش في بالي أي حاجة، وفي يوم من الأيام وأنا هناك حصل في رجلي التهاب خفيف جدًا ومعرفش سببه إيه ولا حصل إزاي، ورجعت مصر ومكنش عندي مشاكل وبعدين المنطقة بدأت توجعني وتكبر، رحت مستشفى كبيرة ومحترمة وقابلت دكتور وقالي لازم تعمل أشعة مقطعية وتلفزيونية، وإداني مضاد حيوي".
اختتم: "رجعت البيت وخدت المضاد الحيوي ولقيت نفسي نايم 4 أيام مصحتش فيهم، بصيت على نفسي لقيت المكان ورم أكتر وبيوجع جدًا ومش عارف أقف، والمساعد بتاعي وداني لدكتور ومن فضل ربنا عليا إني رحت لدكتور أمين، رحت له الساعة 12 بالليل مش قادر أمشي وبقوله أنا فيا إيه، وكل اللي قالهولي هناخد بنج كلي ولا نصفي، والدكتور ده أنقذ حياتي لأني كنت على المحك".
كانت الصفحة الرسمية لـ تامر شلتوت أعلنت عن إجراء الفنان لعملية جراحية دقيقة، وذلك يوم 17 أغسطس الماضي.
نشرت صفحته على موقع التواصل الاجتماعي "فيس بوك" في البداية: "دعواتكم للفنان تامر شلتوت.. تجري له الآن عملية جراحية دقيقة وحالته حرجة جدا.. دعواتكم أن يخرج من غرفة العمليات بخير.. اللهم اشفيه وعافيه يا رب العالمين".
بعد ذلك نشرت إدارة صفحته صورة له بعد خروجه من العملية، وعلقت: "ألف حمد وألف شكر.. تامر شلتوت خرج من العمليات بخير والجراحة تمت بنجاح الحمد لله.. وبنطمن جمهوره عليه وعلى صحته وربنا يتم شفاه علي خير باذن الله".