بسبب تصريحاته الأخيرة.. عمرو مصطفى يثير غضب أبناء جيله

دخل الملحن عمرو مصطفى في خلاف جديد، بسبب تصريحاته المثيرة للجدل، ومهاجمته لعدد من زملائه في المهنة. مشيرا إلى أنه ليس لديه أصدقاء أو زملاء في الوسط الفني.

عمرو مصطفى في رسالة جدلية غامضة "أنت حشرة"

قال "مصطفى" خلال تصريحات صحفية، إنه شخص غير اجتماعي وليس له أي زملاء في الوسط الفني، موضحا: "أنا مش اجتماعي وماليش زملاء.. اللي على راسه بطحة هيطلع يتكلم، لكن أنا مذكرتش أسماء، وهنا الذكاء الاجتماعي والفني إنك لا تذكر أحد، لكن تشوف مين اللي هيتكلم".

أكد: "محدش فيهم صاحب وماليش زملاء في الوسط الفني.. أنا ما أعرفكوش واللي بيشتغل معايا بيشتغل عشان ينجح، أنا بحب النجاح بس.. محدش يتمحك أنا ماليش زمايل، أنت مين؟ ده أنت حشرة".

رسالة تحذيرية من تامر حسين: احترم نفسك

من جهته رد الملحن تامر حسين، على التصريحات الجدلية سابق ذكرها، قائلا: "ردًا على فيديو المُلحن سليط اللسان قبيح القول.. أنا فعلًا غلطت لما قُلت على المُحترمين المُبدعين (مدين) أو (عزيز الشافعي) زمايلك على أساس أنك معانا في الوسط وراجل كُنت ملحن كبير وعاقل".

أضاف أنه لا يرتقي إنسانيا أن يكون زميلا لهم: "حذرتك تتهم حد ناجح ومكسر الدنيا بالباطل والافتراءت الكدابة اللي بتخترعها في أي نجاح كبير يلتفت حواليه الناس، وأنت لا ترتقي إنسانياً تبقى زميل لواحد فيهم؛ شتان فرق الأخلاق ده أنا اللي بعتذر لهم على التشبية غير الموفق مني.. ظلمتهم".

تابع: "لو جبت سيرتك بالخير فأنا بعمل بأصلي في أي لقاء وأي برنامج وبتربيتي، وبأقول عيب عنده أولاد كُبار يتشرفوا بباباهم ما تردش الإساءة بالإساءة.. معنديش فُجر الخصومة ولا هبقىّ مُتقلب الود زيك مع كل اللي أحسنوا إليك وساعدوك.. وعشان لما حد من الجمهور المحترم يشوفني مايقولش عليا قليل الأصل، ونتساوى في القُبح".

أكد "حسين" أنه لن يتحدث عن عمرو مصطفى مرة أخرى، مشيرا إلى أن الحديث عنه أمر غير مشرف، موضحا: "دي أخر مرة هغلط وأجيب سيرتك لأني ما بقيتش بتشرف بيها وبتكسِف منها.. الناس عارفة كويس وفاهمة مين فينا صادق ومين كداب بالمواقف والسنين والاحترام والتقدير".

اختتم: "الحمد لله أن ربنا أنعم عليا وخلانى شخص سوي وبعقل كلامي واحترم نفسي لا في قلبى غل ولا حقد ولا بعترض على اللي ربنا كاتبه لزمايلي وببارك للجميع بقلب أبيض ومابقللش من مجهودهم ونجاحهم".

كما وجه رسالة تحذيرية لـ"مصطفى"، قائلا: "دي آخر رسالة تتقالك باحترام، اللي جاي هبقى عداني العيب.. احترم سنك، احترم نفسك، احترم أنك عندك أسرة؛ مايصحش يبقى الـ"CV" من بعد ما كان نجاحات يبقى خناقات وسيرة سيئة، لأن محدش هيسكت لك تاني على أي تجاوز".

عزيز الشافعي مهاجما: مبتعرفش تعمل طرب غير في الصياح

في السياق نفسه، هاجم الملحن عزيز الشافعي تصريحات عمرو مصطفى الأخيرة، من خلال رسالة غامضة عبر حسابه الرسمي على موقع "فيس بوك"، قائلا: "ريحة الشياط مش حلوة لو طالعه من المطبخ.. لكن مسك وعنبر لما تطلع في فيديو.. مبتعرفش تعمل طرب أنت غير في الصياح بس، ما شاء الله عليك".

مدين: الحاقدين بيضيعوا وقتهم

كما رد الملحن مدين على تصريحات الملحن تامر حسين السابق ذكرها، قائلا عبر حسابه على "فيس بوك": "أنا زمايلي هما الفنانين المحترمين قبل إبداعهم ونجاحهم غير كده ماليش زمايل.. بعد كده يا تامر ماتظلمناش تاني".

أضاف: "صح يا تامر خلينا إحنا في نجاحنا اللي ربنا كرمنا بيه وسيب الحاقدين يضيعوا في وقتهم وإحنا بنصنع نجاحات تانية وبرده بكرم ربنا".

نرشح لك: حبس عريس الدقهلية على خلفية فيديو الاختطاف