أحمد فتحي: اتكسرت من نظرة قرايبي ليا بسبب عملي كممثل
تحدث الفنان أحمد فتحي، عن النظرة القاسية التي كان يراها في عيون أقاربه بعدما أخبرهم عن رغبته في العمل كممثل في بداياته، واحتقارهم له بالكلمات والنظرات، وكيف أثر ذلك على نفسيته.
قال "فتحي" خلال حلوله ضيفًا على بوكاست "فايق ورايق مع إبراهيم فايق" المذاع على اليوتيوب إن تلك النظرة "الوحشة" على حد تعبيره أصعب ما تعرض له في حياته.
أوضح: "أًصعب حاجة شوفتها في عينين قرايبي إن كان بيتبص لي بصة وحشة، كانوا بيقولولي أنت مش مظبوط عشان عايز أبقى ممثل. وكنت بحزن قوي اتكسرت وبقيت تراب بسبب بصة التقليل مني".
وأكد أنه تعافى من أثر تلك النظرات بعدما حقق النجاح الذي كان يسعى إليه، وأصبح مشهورًا، حيث قال: "لما اتحقق حلمي نزلتهم كلهم من على كتافي بس اللي كمل معايا المشوار على دماغي ومنهم مراتي. بس كل اللي بصلي البصة دي منستوش".
وعلق قائلًا: "اللي حلم مش زي اللي محلمش اللي حلم اشتغل اللي محلمش ده عمره ما هيفهم أنت ايه؟ وكل حاجة ابتدت بحلم".
