كلمات أغنية "قطة" لـ مي كساب
طرحت الفنانة مي كساب أغنية جديدة تحمل اسم "قطة" عبر قناتها الرسمية على موقع الفيديوهات "يوتيوب"، وشاركها في فيديو كليب الأغنية الفنان مؤمن نور.
أغنية "قطة" من كلمات وألحان عزيز الشافعي، وتوزيع وميكس وماستر أمين نبيل، ومن إخراج ميا المهدي.
وجاءت كلمات أغنية "قطة" على النحو الآتي:
أنا مش عارفة أنا
ليه ماسكة في واحد
أنا أصلا مش واثقة
إن أنا لو غمضت عينيا
مش هيحب تلاتة عليا
معذور يا حرام مش قادر
عنده مرض من النوع النادر
كل ما تضحك واحدة في وشة
يغمى عليه ونجيب له نشادر
عمالة بعدي وأفوت
بس الموضوع ده يموت
إحنا بنكبر وبنعقل
والرجالة عقلها بيفوت
عمالة بعدي وأكبر
وبربي يا ربي وبكبر
ده أنا لو كنت أنيت قطة
يمكن كانت نفعت أكتر
قطة قطة.. بس يا قطة
قطة قطة.. لأ يا بطة
طيب هو الوضع الحالي
هيفضل بس لأمتى يا غالي
مش المفروض أنك تعقل
ولا أنا بسرح بخيالي
ما تركز في الناحية دي
وسيبك بقى من حادي وبادي
في حاجات حلوة على مزاجك
في شغل كبير على الهادي
عمالة بعدي وأفوت
بس الموضوع ده يموت
إحنا بنكبر وبنعقل
والرجالة عقلها بيفوت
عمالة بعدي وأكبر
وبربي يا ربي وبكبر
ده أنا لو كنت أنيت قطة
يمكن كانت نفعت أكتر
قطة قطة.. بس يا قطة
قطة قطة.. لأ يا بطة
في سياق متصل، شكرت الفنانة مي كساب عبر حسابها الشخصي على موقع التواصل الاجتماعي "فيسبوك" الفنان مؤمن نور لمشاركته معها في فيديو كليب أغنية "قطة"، حيث كتبت: "شكرا للصديق الفنان الموهوب ابن الأصول مؤمن نور على مشاركته ليا في تمثيل كليب قطة".
أكملت: "بأوعدكم بكليب مختلف دمه خفيف بيعبر عن حال ستات كتيرة عايشة بتعاني مع رجالة مريضة مسلمين نفسهم للشيطان يلعب بيهم مع إن عنده مراته حلاله أحلى وأنضف وتعرف تبقى كل الستات دول".
نرشح لك: شاهد.. كليب "قطة" لـ مي كساب