محمد السيد يكشف كواليس فيديو أولمبياد طوكيو الشهير
كشف المبارز المصري محمد السيد صاحب برونزية مسابقة السيف في أولمبياد باريس 2024، كواليس الفيديو الشهير السابق الذي صوّره في أولمبياد طوكيو 2020 عقب هزيمته وخروجه من المنافسة، وتعهّد فيه بأنه سيفوز في الأولمبياد المقبل، ما اعتبره البعض حينها غروراً.
أوضح السيد خلال حلقة استثنائية من برنامج "معكم منى الشاذلي" على قناة ON، أنه في أولمبياد طوكيو كان عمره 18 عاماً، وكان أصغر لاعب في البعثة المصرية، وحينها خسر من لاعب أوكرانيا في دور الثمانية.
أضاف أنه من المعتاد للاعبي السلاح أن يغادروا المكان بعد خسارتهم، خاصةً أن الفاصل الزمني بين كل مباراة والأخرى قد يتجاوز 3 ساعات، قائلاً: "أكيد مش هيبقي عاوز يتفرج على حد كسبه، ولا يكمل لحد ما يشوف مين هيفوز بالبطولة".
وتابع: "لكن أنا يومها قعدت أتفرج لحد تسليم الميداليات، لأني كنت شايف إني عملت كل حاجة أقدر عليها مع اللاعب الأوكراني ومع ذلك مكسبتش.. فكنت عاوز أتفرج أشوف اللاعب اللي بعدي هيعمل إيه زيادة عن اللي أنا عملته معاه عشان يكسبه".
واصل: "اللاعب الأوكراني اللي هزمني كان عنده 37 سنة وأنا كنت 18 سنة، بس لما اتفرجت على كل اللي كسبوا لقيت إن مفيش فرق مستويات كبير بيننا، وإن كان ممكن أبقى وسط الناس اللي فازت وبتتكرم دي، فطلعت موبايلي وصورت فيديو وقلت فيه للناس إنها (مسألة وقت وهبقى مكان المكرمين دول.. استنوني بس 4 سنين.. وقد كان".