قبل وفاته.. إيهاب جلال يتحدث عن فترة تدريبه لمنتخب مصر

حل المدرب الراحل إيهاب جلال، المدير الفني لنادي الإسماعيلي ومنتخب مصر السابق، ضيفا على الإعلامي هاني حتحوت عبر إذاعة "أون سبورت إف إم"، في آخر ظهور له قبل وفاته.

تحدث الراحل إيهاب جلال عن فترة تدريبه لمنتخب مصر مؤكدا أنه لم يندم عليها، لأنها كانت أشبه بالتكليف، موضحا: "لا مش ندمان لأنه كان شبه التكليف، بغض النظر عن كان ليه التكليف ده أو الهدف منه.. أنا مبزعلش أو أندم على حاجة حصلت، مش في أيدينا نرجعها تاتي ربنا كاتبها وله حكمة جايز بيشيل عني حاجات تانية".

أوضح "جلال" سبب قبوله تدريب نادي الإسماعيلي، حيث قال: "كنت عايز أروح الإسماعيلي لأني عارف قيمته، هو مختلف عن بعض الأندية الجماهيرية اللي في المستوى بتاعه، إحنا مبقاش فيه أندية جماهيرية عندنا هما 5، فهو ربنا مدي للإسماعيلي حاجة مختلفة يمكن علشان الناس بتحبه حتى الأهلاوية لما بيشجعوا الأهلي وهو بيلاعب الإسماعيلي وبيبقوا محتدين، لما الإسماعيلي بيلعب لوحده بيشجعوه ونفس الكلام بالنسبة للزمالك".

كما كشف عن سبب عدم ظهوره في الإعلام قائلاً: "آثرت إن أنا أخد فترة راحة شوية واريح الناس مني في الكلام، وكنت محتاج فترة اعيد فيها ترتيب بعض الأوراق سواء التدريبية أو العلاقات لكن الحمد لله عدت على خير".

نرشح لك: انخفاض درجات الحرارة.. توقعات الأرصاد لطقس السبت 14 سبتمبر

في سياق آخر علق إيهاب جلال على انتقادات أداء محمد صلاح لاعب ليفربول الإنجليزي مع منتخب مصر، قائلا: "صلاح اقترب من لقب الهداف التاريخي للمنتخب وجاب أهداف في كأس العالم وبطولات أفريقيا وساعد المنتخب.. إحنا عندنا إننا عايزين صلاح ييجي يعمل مل حاجة لوحدة، هو بيلعب في وسط 11 لاعب بظروف ولاعيبة ودوري مختلف".

ووجه الراحل إيهاب جلال نصيحة لحسام حسن المدير الفني الحالي لمنتخب مصر في التعامل مع محمد صلاح، موضحا: "حسام هيتعامل مع صلاح بشكل جيد، لأنه صلاح لعيب كبير وحسام كان لاعيب كبير، واللاعب الكبير له تعامل مختلف مش إنك تدلعه لكن قيمة اللعيب الكبير لازم تحطه فيها".