شاهد.. كليب "كده فل" لـ شاهيناز
طرحت الفنانة شاهيناز، فيديو كليب أغنيتها الجديدة "كده فل" عبر موقع الفيديوهات "يوتيوب"، وعبر المنصات والتطبيقات الموسيقية.
تأتي أغنية "كده فل" لشاهيناز، من كلمات أحمد حمتو، ألحان محمد الفهد، توزيع تركي خفاش، إخراج ميدو بارون، وإنتاج محمد العشري.
كلمات أغنية "كده فل" لـ شاهيناز:
كده عملت الصح معاك
وزيادة عشان متقولش عليا
اني جيت على قلبك واني كسرتك وتقول حاجه مش فيا
كده أكيد عداني العيب بمراحل
ميت فل ومرضية
ده أنت اللي يعاشرك يوم
يستاهل منك ألف أذية
أمشي بقى متكلمنيش
من الساعة دي متشغلنيش
ايوه حطيت بيننا حواجز
واللي باعني ميلزمنيش
بالسلامة والباب مفتوح
ده أنت مالي القلب جروح
بالأمانة أنا مش شايفاك
من حياتي بقيت ممسوح
كده فل
ابعد عني ومتقربش
أيوة أنا هي متستغربش
اللي كانت فيك مبتغلطش
دلوقتي خلاص مش طايقاك
كده فل
مرتاحة جدا وانت بعيد
ولا مشتاقة ولا ناري بتزيد
وهتفضل من بعدي وحيد
ماهو مين يقدر يبقى معاك
اللي بيضيعني ولو مرة من أيده وهو قاصدها
والناس اللي انا بتمسك بيها بتسيبني اروح من أيدها
يبقى بالنسبالي الناس ضيعت من قلبي رصيدها
بس عادي الحاجة اللي بتمشي في داهية أنا بعرف اجيب غيرها
انت بالنسبالي رصيدك
قد نفذ ودي حاجة بأيدك
أوعى تنكر مش هيفيدك إني كنت أصيلة معاك
العتاب مبقاش له لزوم
خلي بقى يومك ملموم
انت من التقدير محروم
الف شكر انا مش عاوزك
كده فل
ابعد عني ومتقربش
أيوة انا هي متستغربش
اللي كانت يوم فيك مبتغلطش
دلوقتي خلاص مش طايقاك
كده فل
مرتاحة جدا وانت بعيد
مش مشتاقة ولا ناري بتزيد
وهتفضل من بعدي وحيد
ماهو مين يقدر يبقى معاك
ماهو مين يقبل يبقى معاك