بقصيدة شعر.. طه دسوقي يحيي ذكرى وفاة والده
أحيا الفنان طه دسوقي الذكرى الثانية عشر لوفاة والده بقصيدة شعر مؤثرة.
نشر "دسوقي" عبر حسابه الشخصي على موقع التواصل الاجتماعي فيس بوك، صورته من الطفولة مع والده، وكتب: "في الذكرى الـ 12 حابب أقولك
شكرا
عالزيارة في المنام
والكلام
وقولة يا بابا
وقولة بحبك
وأنا كمان
شكرا
حسيت إن أنا لسّه في بالك
مع إنك طوّلت أوي بقالك
12 سنة مرتاح عندك
الزيارة كانت سريعة جدا
يا دوب حضنتك
بس كفاية.. مش هنطمع
عارف يا بابا
أنا اتجوزت واشتغلت
خد الكبيرة؟
أحيانا بيتقالي يا أستاذ
لا والأكبر!
بقيت بدفع فاتورة الكهربا والغاز
كبرت شكلي ولا إيه!
طب عارف إن الدولار دلوقتي
بقى بـ ٥٠ جنيه!
فايتك حاجات يا والدي
ملهاش ولا أي لزمة
المرة الجاية ابقى قولي
إيه أخبار الدنيا عندك
صحيح اليوم بألف سنة من عندنا
يعني 12 سنة دول يعملوا كام
هتلاقيهم عدوا عليك 5 دقايق
لسه واصل يعني بتحط حاجتك
طب هل الرؤية واضحة عندك
شايفنا يعني وحاسس بينا
أنا بقول ايه؟
واللي عندك هيبقى عايز يشوف الدنيا ليه
لسه قدامك نعيم تتهنى بيه
ولسه قدامنا سنين
هنفارق فيها بعضنا
لحد ما يحين وقت اللقا
ونتلم تاني ناكل قصادك
وأنت قاعد مبتاكلش
بس شبعان من بصتك علينا
وطلوعي لعندك مش بتاعتي
فمجيك ليا دي كبيرة
شكرا يا والدي
على كل خير سيبته فينا
ولحد ما يجمعني بيك
هستنى اشوفك في المنام
كل امّا انام
18-9-2012
محمود دسوقي جنيدي".
نرشح لك: رمضان 2025.. حنان مطاوع في مسلسل "حياة أو موت"
في سياق آخر كان قد شارك الفنان طه دسوقي في مسلسل "حالة خاصة" أحدث أعمال watch it الأصلية والذي تكون من 10 حلقات، وشاركه في البطولة غادة عادل، أحمد طارق، هاجر السراج، حسن أبوالروس، وئام مجدي، أحمد الأزعر، على سبع، لينا إيهاب، نبيل على ماهر، الطفل آدم وهدان، آدم النحاس، وتأليف مهاب طارق، وإخراج عبدالعزيز النجار، وإنتاج طارق الجنايني.