مشاركة ظافر العابدين والتحضير للعمل.. هند صبري تتحدث عن "البحث عن علا 2"
أعلنت منصة نتفليكس عن عودة شخصية علا عبد الصبور من خلال الموسم الثاني لمسلسل "البحث عن علا"، والذي من المقرر عرضه في 26 سبتمبر الجاري.
تحدثت الفنانة هند صبري عن تفاصيل أكثر وكواليس التحضير للعمل بمختلف مراحله، ومشاركة الفنان ظافر العابدين في هذا الموسم، ووجه الشبه بينها وبين شخصية علا خلال مؤتمر صحفي وفيما يلي أبرز تصريحاتها:
نرشح لك: سارة عصام تكشف تفاصيل شخصيتها في "البحث عن علا 2"
أنا دلوقتي كـ هند في سني ده حاسة إن أنا في سيرك، بناتي وأهلي بيكبروا وبيت وشغل وناس طالبة مني حاجات في الشغل والبيت، ساعات غصب عني المسئوليات بتاكلني، ودي شخصية علا في "البحث عن علا 2" متاكلة من المسئوليات بس بتضحك برضو.
أنا وظافر العابدين أصدقاء ومن 12 سنة أنا من تحدثت مع للمشاركة في مسلسل فيرتيجو وكان أول عمل له في مصر.
تحدثت مع للمشاركة في "البحث عن علا 2" وهو ليس لديه "هوس البطل الأوحد"، وكان مرحب لأنه يحب عالم علا.
أثناء كتابة الشخصية لم نكن نرى سوى ظافر لأنه لديه وسامة زائدة مثل الشخصية وقبول وكاريزما ويتحدث الفرنسية، فهناك أكثر من عامل جعلت ظافر مناسبا أو كنا سنلجأ لعمل كاستنج لشخص جديد.
عن مقارنة "البحث عن علا" بـ Emily in Paris، قالت: "عايزة أقول إن فيه 2 باريس، بتاع Emily وبتاع علا".
مسلسل "مفترق طرق" كان صعب لأن جزء كبير من تصويره في أبو ظبي وده معناه إن أنا بعيدة عن أسرتي فترات طويلة وهذا كان مؤلما بالنسبة لي وكان طويل حوالي 6 أو 7 شهور.
"البحث عن علا" أصعب من "مفترق طرق" لأن بلعب دور الممثلة والمنتجة والكتابة وأتابع الموسيقى، حوالي 3 سنين شغل في البحث عن علا.
لا يوجد أي أوجه شبه بين أميرة في مفترق طرق وعلا في البحث عن علا 2 غير أنها أم لمراهقين فقط.
"علا فعلا مشتتة زيي، أنا كـ هند تعبت من التشتيت، فالحمد لله إني عرفت أترجم ده لإحساسي في علا وهي الترجمة بتاعتي، أنا لقيت شخصية بتتكلم عني كل سنتين ألم مشاكلي واحطها في علا، هي أقرب شخصية ليا".
"وحشاني السينما واللي جاي هيبقى سينما أكتر بس البحث عن علا بياخد مني تحضير كتير".
مسلسل "عايزة اتجوز" لم ينجح في بداية عرضه "الناس كانت بتقول إيه ده بتكلم الكاميرا وبتزعق وأوفر أوي، وبعد 14 سنة الناس بتشغله وتنام عليه وميمز، أحمد السقا بيقولي أنا بكل اللي عملته ده بيقولولي حلقة الظابط في (عايزة اتجوز) ونسيوا بقى مافيا وتيتو وكل حاجة".
ويضم فريق التمثيل كوكبة من النجوم: من بينهم هند صبري وظافر العابدين وسوسن بدر وهاني عادل وندا موسى ومحمود الليثي وآيسل رمزي وعمر شريف وياسمينا العبد وطارق الإبياري.
والعمل من تأليف غادة عبد العال، وأعضاء ورشة الكتابة هناء محمود، وسيف عمر، وزيزيت سعيد، وهشام حمزة، والمخرج هادي الباجوري.