بسبب التربية الإيجابية.. أسامة منير يهاجم "اللايف كوتشز"

رد الإعلامي أسامة منير على الانتقادات التي نالته، عقب نصائحه للأهالي بعدم تربية أولادهم تربية إيجابية.

أوضح "منير" خلال فيديو نشره عبر حسابه على موقع تبادل الصور والفيديوهات "إنستجرام"، أنه من الضروري التمييز بين التربية الإيجابية الحقيقية وما يُروج له من مفاهيم مغلوطة عبر بعض المدربين غير المؤهلين المعروفين بـ"اللايف كوتش".

نرشح لك: نجوى إبراهيم تحذر من أغنيتي رامي صبري وحماقي

أشار "منير" إلى أن الكثير من هؤلاء المدربين يقدمون أنفسهم كخبراء بعد حضور دورات قصيرة دون استناد إلى أسس علمية أو أكاديمية متخصصة، مما يؤدي إلى تضليل الجمهور. كما شدد على أهمية الحصول على المشورة التربوية من أخصائيين نفسيين أو تربويين ذوي خلفيات علمية معترف بها، وليس من أشخاص غير مؤهلين.

أردف أسامة منير: "لما قلت لكم ما تربوش ولادكم تربية إيجابية علشان مش فاهمين يعني إيه التربية الإيجابية وبنعك الدنيا، وربوهم زي ما إحنا تربينا قامت الدنيا ما قعدتش، وأكتر ناس قامت وبقى الكلام والشتيمة والتخبيط بتوع ايه؟ اللايف كوتش هم دول اللي قالوا لأ أنت بتفسد المجتمع، أنت مش فاهم يعني إيه التربية، طب فهمونا تربية إيجابية، وقبل ما تفهمونا يعني إيه تربية إيجابية فهمونا يعني إيه اللايف كوتش".

أضاف: "اللايف كوتش ده على حد علمي أنا راجل جاهل أخد كورس مدته 3 أسابيع أو أسبوعين، وعامله صفحة على السوشيال ميديا، وقال لك أنا لايف كوتش طيب خد الكورس فين؟ خده عند اللايف كوتش اللي خد كورسه برضه عند اللايف كوتش برضه من اللايف كوتش اللايف، يعني واحد يطلع لي يقول لي عشان تبقى مليونير قعدت مع كام مليونير شربت مع كام مليونير، عاشرت كام مليونير، ايه ده؟!".

استطرد: "اللايف كوتش ده خارج كلية ايه؟ كوتشنر ؟! ما إحنا عايزين نفهم.. أنا بقول ما تربيش عيالك تربية إيجابية ما إحناش فاهمين يعني إيه تربية إيجابية، وعشان يطلع لي واحد يقول لي إيه هي التربية الإيجابية لو مش طبيب نفسي لو مش أخصائي نفسي لو مش جايب لي ريفرنس من كتب عالمية من ناس كبار وأساتذة كبيرة ما يلزمنيش أسمع كلامه".

كان أسامة منير قد وجه نصيحة للأهالي جاء فيها: "ما تربيش عيالك تربية إيجابية.. ربيهم زي ما اتربيت.. العيل من دول تربيه تربية إيجابية يطلع بجح وقليل الأدب ومتطاول على أهله ويناقشك باستفزاز.. كل ده من التربية الإيجابية!"