دينا: ابني فخور بنجاحي كراقصة
كشفت الفنانة دينا عن موقف ابنها من عملها كراقصة، مشيرة إلى أنه فخور للغاية بذلك لأنها ناجحة في مجالها.
قالت "دينا" خلال بودكاست "اسمع من دينا" المذاع عبر مواقع التواصل الاجتماعي، إنها تربت على احترام النجاح وأنه يشغلها كثيرًا عن الانتقاد وهو ما ربت عليه ابنها، مضيفة: "سؤال تقبل ابني لعملي كراقصة سؤال حشري جدا.. أنا ربيت ابني أنه يقدر النجاح".
أضافت أن ابنها فخور بنجاحها للغاية ويتمنى أن يكون ناجحا مثلها، موضحة: "ما بيفكرش بالطريقة بتاعة إيه ده ماما بترقص! وبيقول أيوة ماما بترقص لأنها ناجحة ودي الطريقة الوحيدة اللي ناجحة فيها وأمي مش جاهلة دي متعلمة وحبت شغلها ونجحت فيه".
أكدت أن طريقة التربية تجعل أسلوب تفكير الفرد مختلف للغاية، مضيفة: "البني آدم اللي بيفكر صح يفكر في نجاحه وتفوقه وشغله مش يشغل نفسه بمين بيعمل إيه حتى لو كانت أمه أو أخته طالما ناجح المفروض يكون فخور بيهم".