نورهان تعتذر للجمهور بسبب "لايف تركيا"
قالت الفنانة نورهان إن سبب غيابها عن مواقع التواصل الاجتماعي لمدة أسبوع بسبب تعرض هاتفها للكسر عقب ظهورها في بث مباشر من تركيا.
أوضحت نورهان عبر حسابها الشخصي على موقع تبادل الصور والفيديوهات إنستجرام: "الحمد لله رب العالمين بعد غياب أكتر من أسبوع عن السوشيال ميديا، واللي كان الحقيقة فيه راحة كبيرة، وده كان بسبب كسر تليفوني بعد اللايف اللي طلعته من تركيا و كنت فيه بشكر ربنا على نعمه عليا".
تابعت: "المهم، اكتشفت إن إحنا حرفيا حياتنا كلها جوة حتة الحديدة دي ومرهونة بيها! تعرضت لمواقف صعبة جدا ومريت بأوقات كتير منها جميلة وكتير منها بشعة لكن ربنا دايما كريم معايا.. بشكر الأستاذة ماهي من مصر اللي أنقذتني وأنا قاعدة على الأرض لوحدي في مطار لوس انجلوس بقالي 4 ساعات بعيط ومش لاقية أي وسيلة للنجاة".
نرشح لك: فيلم "وحيد" ينافس ضمن الأفلام القصيرة بـ "الإسكندرية السينمائي"
استكملت: "بعتذر لو كنت متهورة في إني طلعت لايف من تركيا ومقتنعة إنها غلطة، وخدت جزائي عنها كويس أوي، حقيقي.. لو ضايقت أي حد: حقكوا عليا.
هحكيلكوا كل أحداث الأسبوع اللي فات في البوستات القادمة ويا رب محدش يزعل، ده هيكون والله مجرد سرد للأحداث عشان دي خطوات مهمة في شغلي مفهوش أي نوع من أنواع التفاخر أو الـ show off والله علي ما أقول شهيد".
اختتمت: "كلنا والله واخدين نفس الـ 24 قيراط.. بس فيه ناس مش بتحب تحكي الحاجات الوحشة اللي بتحصلها ولا بتحب تتاجر بألمها ولا تستعذب الابتزاز العاطفي، وبتحب تحكي الحاجات الحلوة وتظهر الامتنان الحقيقي وتؤمن بـ (وأما بنعمة ربك فحدث)، وأنا منهم.. سامحوني لو ضايقت أي حد".